“Buka”, SPAK hetim të ri për Arben Ahmetajn: Tre milionë euro u transferuan drejt Austrisë!
Në seancën e sotme për dosjen “Buka”, SPAK ka njoftuar se ka edhe një hetim të ri ndaj Ish-Zv/Kryeministrit Arben Ahmetaj, që është i shpallur në kërkim dhe në arrati në Zvicër.
Prokurori Elvin Gokaj, ka kërkuar të pyeten si dëshmitarë 14 persona, prej të cilëve dhe Ish-Ministri i Financave, Shkëlqim Cani. Prokurori i SPAK theksoi se është rënë në kontakt se një shumë e madhe parash, konkretisht tre milionë euro, është transferuar nga Shqipëria në një vend të BE-së, drejt Austrisë.
“Kemi rënë në kontakt me një shumë të madhe parash që janë transferuar nga Shqipëria në një vend të BE që po verifikohet,” tha Prokurori i çështjes “Buka” duke mos specifikuar nëse kjo shumë është e lidhur direkt me privatizimin e shoqërisë në fjalë, por dyshimet ekzistojnë.
Ndërkohë, avokati i Arben Ahmetajt, tha se:
“Prokurori po thotë qe po na doli gjë nga kjo do ngrëmë akuzë, nëse ka hetime të tjera për këtë çështje prokurori nuk kishte ngutje të mbyllte hetimet, nuk mund të jetë proces i rregullt me akte surprizë, nëse ka prova të tjera, prokurori t’i paraqesë”.
Ndryshe, ndaj Zv/Kryeministrit Arben Ahmetaj rëndon akuza e shpërdorimit të detyrës për gjyqin “Buka”, teksa ka edhe çështje të tjera nën hetim. Ndërkohë Ministria e Drejtësisë dhe Interpoli kanë kërkuar ekstradimin e tij nga Zvicra.
