Parashikimi i motit, për datë 18 Nëntor, ja çfarë pritet

Parashikimi i motit, për datë 18 Nëntor:

Sot priten reshje shumë intensive në qarkun Shkodër ndërsa në qarqet Kukës, Dibër, Lezhë, Durrës, Tiranë, Vlorë dhe Gjirokastër priten reshje intensive deri lokalisht shumë intensive.

Në qarqet e tjera priten reshje mesatare deri lokalisht intensive.

Në të gjithë territorin reshjet do të shoqërohen me shtrëngata.

Sa i përket rrezikut nga përmbytjet, Instituti i Gjeoshkencave parashikon në qarqet Shkodër, Kukës, Dibër, Lezhë, Durrës, Tiranë, Vlorë dhe Gjirokastër që mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Intesiteti i lartë i reshjeve në ditët në vijim do të sjellin rritje të prurjeve në lumenjtë e mëdhenj dhe të mesëm Drin-Buna, Mat, Ishëm, Erzen, Shkumbin dhe Vjosë.

Era pritet të fryjë mesatare deri e fortë kryesisht në bregdet.

Temperaturat minimale dhe maksimale:

Në bregdet: 15 / 20 °C

Në vendet e ulëta: 15 / 20 °C

Në vendet malore: 9 / 14 °C