“21 Janari”, Berisha pas dëshmisë: Hetimi u bllokua sepse organizatori ishte Edi Rama! 

SPAK është një repart i PS kundër opozitës, tha Kryetari i Partisë Demokratike, Sali Berisha, pas dëshmisë që dha në Prokurorinë e Posaçme si në person në dijeni për protestën e dhunshme të 21 Janarit 2011 ku mbetën të vrarë katër persona, duke vlerësuar se prokurorët nuk guxojnë ta gozhdojnë Edi Ramën për aktin më të dhunshëm në histori.

Në SPAK, tha Kryetari i Partisë Demokratike pas dëshmisë, gjeti Altin Dumanin që po pinte kafe me Kreshnik Farrukun pasi i mori 5 mln euro!

“Jam pyetur se çfarë ndodhi më 21 janar. Kjo mosthirrje flet më shumë se çdo gjë tjetër, sepse kjo mosthirrje kishte të bënte vetëm me faktin se Edi Rama organizoi për epshet e pushtetit të tij, protestën më të dhunshme në historinë e vendit. Ky ishte shkaku i mosthirrjes.
Autoritetet ndërkombëtare, qeveria e SHBA ka deklaruar dhe ka rideklaruar se me 21 janar, PS kishte axhendë dhune. Ku janë ata mbështetësit e saj? Nuk janë këtu. Ta marrin vesh ata, pra kishte axhendë dhune.
Kjo është e vërteta.

Pikërisht kjo deklaratë është bërë shkak që të mos thirrem unë për t’u pyetur për një ngjarje dramatike, që u kushtoi jetën 4 demonstruesve, plagosjen e mbi 120 policëve, etj.
Tani, dëshminë time, ju mund të rrëmoni sa të doni, por do gjeni ato që kam thënë,” tha Sali Berisha ndërsa e cilësoi procedurë normale thirrjen e tij për dëshmi, por u përdor për propagandë socialiste

“Ishte një proces normal, duhet ta pohoj këtu. Në qoftë se këta që ishin aty, zhvilluan një procedurë në përputhje me ligjin dhe rregullat, kjo nuk mund të thuhet për Dumanin që po pinte kafe, jo me Pojën, po me këtë të fundit që i mori 5 milionë, Kreshnik Farrukun.
Po pinte kafe me Kreshnik Farrukun. Po, i shkoi edhe në Manzë Kreshnik Farrukut. Dhe nuk flet gjë, hesht si fija e barit. Ai do heshtë, por unë nuk hesht se do mbroj interesat publike.
Tani prisni një minutë.
Thirrja e një njeriu për të dëshmuar në këtë institucion është procedura më normale, por ama nuk është procedurë publike. Jo, nuk është publike. Të thërret, pyet, shkon.
Kurse ky Troplini, pa e marrë unë njoftimin, ia shpërndau medieve përmes zyrës së tij të shtypit në një akt të shëmtuar, duke dëshmuar se institucioni i tij është një institucion banal i propagandës socialiste.
Çfarë ka publiku ta marrë vesh para meje se unë jam thirrur për t’u pyetur për 21 janarin?
Pra shikoni procedurën e tyre.
Një procedurë është krejtësisht diskrete, që nuk ka asnjë lidhje as me mediat, as me publikun, ua jep përpara medieve përpara se të më japë mua.
Dhe bën për hir të Lubi Ballukut dhe Ramaduros, bën 2-3 javë duke furnizuar studiot e televizioneve të kontrolluara nga qeveria që të mos bëjnë debate për vjedhjen e 50 milionë eurove nga Lubi Balluku dhe Edi Rama vetëm në tunelin e Llogarasë, pa thënë skandalin tjetër të aeroportit të Vlorës, por të merren se Sali Berishën e kanë thirrur pas 13 vitesh për të dëshmuar për nj gjë, për të cilën në vlerësimin tim, duhej thirrur që ditën e parë të hetimeve pa asnjë lloj hezitimi.
Unë isha njeriu i rrethuar, njeriu që dritaret iu gjuajtën me gurë, njeriu që u kërkua të përmbyset pushteti i tij, iu kërkua të largohet ose do kalohet mbi kufoma. Këto janë të dokumentuara.
Dhe që kishte dalë nga një palë zgjedhje që kishin plotësuar standardet kryesore ndërkombëtare të OSBE/ODIHR për zgjedhjet e lira. Por Edi Rama me epshet e pushtetit kërkonte të përmbyste,”tha Kryetari i Partisë Demokratike, Sali Berisha, duke e cilësuar SPAK-un si një repart të Partisë Socialiste kundër opozitës ndërsa përfundoi:

“SPAK-u është një repart i PS kundër opozitës. Ta pret mendja ty që guxon SPAK-un të gozhdojë Edi Ramën për aktin më të dhunshëm në histori? Jo mo…
Në fakt për vrasjet duhet të ketë hetime. Thashë edhe njëherë. Por që kur përdorin dhunën, ka edhe plagosje, ka edhe vrasje, kjo është e pamohueshme. Dhe ata që organizojnë këto ose ata që shkelin ligjet, bëhen përgjegjës…
Kush mund të flasë kundër meje përveç Edi Ramës?”

Deklaratë:

Njeriu në detyrën e kryeministrit që u rrethua dhe iu gjuajt zyra me gurë dhe plumba. Tani kuptojeni vetë, se nuk flet gjë më sumë se sa kjo, në 13 vite larg pushtetit, nuk u thirr njëherë për t’u pyetur: se çfarë ndodhi më 21 janar.

Kjo mosthirrje flet më shumë se çdo gjë tjetër, sepse kjo mosthirrje kishte të bënte vetëm me faktin se Edi Rama organizoi për epshet e pushtetit të tij, protestën më të dhunshme në historinë e vendit.

Ky ishte shkaku i mosthirrjes.

Autoritetet ndërkombëtare, qeveria e SHBA ka deklaruar dhe ka rideklaruar se me 21 janar, PS kishte axhendë dhune.

Ku janë ata mbështetësit e saj? Nuk janë këtu.

Ta marrin vesh ata, pra kishte axhendë dhune. Kishte axhendë dhune. Ku janë ata mbështetësit e saj, nuk janë këtu. Ta marrin vesh atë. Pra, kishte axhendë dhune. Kjo është e vërteta. Dhe pikërisht kjo deklaratë është bërë shkak që të mos thirrem unë për t’u pyetur në një proces, për një, për një ngjarje dramatike që u kushtoi jetën katër demonstruesve, plagosjen mbi 120 policëve e të tjerë.

Tani dëshminë time, ju mund të rrëmoni sa të doni, por do gjeni ato që kam thënë. Ishte një proces normal, duhet ta pohoj këtu, prit. Në qoftë se këta që ishin aty zhvilluan një procedurë në përputhje me ligjin dhe rregullat, kjo nuk mund të thuhet për Dumanin që po pinte kafe, me kë thua ti Klodiana, ta them unë. Jo, jo me, jo me me Pojën po me këtë të fundit, me që i mori 5 milionë këtë që i thotë Farrukun, Kreshnik Farrukun. Po pinte kafe me Kreshnik Farrukun. Po. I shkoi dhe në Kamëz, i shkoi dhe në Manzë Kreshnik Farrukut dhe nuk flet gjë, hesht si fija e barit. Ai do heshtë, por unë nuk hesht, se unë mbroj interesat publike.

Thirrja e një njeriu për të dëshmuar në këtë institucion është procedura më normale. Por ama nuk është procedurë publike. Jo, jo, nuk është publike. Të thërret, pyet, shkon. Kurse Dumani, Troplini, Troplini, mos them Dumani. Pa marrë unë njoftimin, e ua shpërndau mediave nëpërmjet zyrës së tij të shtypit. Në një akt të shëmtuar, duke dëshmuar se institucioni i tij është një institucion banal, propagandë socialiste.

Çfarë ka publiku ta marrë vesh para meje se unë jam thirrur për t’u pyetur për 21 janarin?

Pra, shikoni procedura e tyre. Ajo, një procedurë që është krejtësisht diskrete, që s’ka asnjë lidhje as me mediat, as me publikun, ua jep përpara mediave para se të ma japi mua dhe bën, bën për të hir të Lubi Ballukut dhe Ramaduros bën dy javë, ua furnizon studiot e studiot e televizioneve të kontrolluara nga qeveria që të të mos bëjnë debate për vjedhjen e 50 milionë eurove nga Lubi Balluku dhe Edi Rama vetëm në tunelin e Llogarasë, pa thënë, pa thënë skandalin tjetër të aeroportit të Vlorës, por të merren se Sali Berishën e kanë thirrur pas 13 vitesh, thirret për të dëshmuar për një gjë që në vlerësimin tim duhet të ishte thirrur që ditën e parë të hetimeve, pa asnjë lloj hezitimi.

Unë isha njeriu i rrethuar, njeriu që dritaret ju gjuajtën me gurë, njeriu që u kërkua të përmbyset pushteti i tij, iu kërkua të largohet ose do kalohet mbi kufoma. Këto janë të gjitha me dokumenta. Dhe që kishte dalë nga një palë zgjedhje që kishin plotësuar, zgjedhje që kishin plotësuar të gjithë standardet kryesore ndërkombëtare të OSBE/ODIHR-it për zgjedhjet e lira. Por Edi Rama donte me epshet e pushtetit, donte të përmbyste.

Gazetarët: Zoti Berisha, disa nga gazetarët që janë këtu të pranishëm kanë qenë të pranishëm edhe në 2011-ën ku ndodhi, ku ndodhën ngjarjet e rënda. Demonstrata ishte e dhunshme, por nga ana tjetër nga brenda godinës së Kryeministrisë u vranë katër qytetarë të pafajshëm. A mund të na thoni zoti Berisha kush e dha urdhërin të qëllohej ndaj qytetarëve teksa protestonin?

Berisha: Absolutisht gënjeshtër me bisht kjo që thua. Që është? Jo nga brenda.

Gazetarët: Nga ku?

Berisha: Jo nga, janë të shtënat janë që të gjitha, merri meqënëse u referohesh mediave, merr filmimet. Ushtarët e Gardës kanë qëlluar.

Gazetarët: Po pra, nga brenda.

Berisha: Jo nga brenda, jo nga brenda.

Gazetarët: Nga godina.

Berisha: Jo nga brenda, the nga brenda, prit korrigjo këtë njëherë. The nga brenda është.

Gazetarët: Cili është korrigjimi juaj? Ju lutem, nga dritarja e godinës, po.

Berisha: Jo jo, korrigjimi, korrigjimi është tjetër, po më lini të them dhe informacion. Apo kërkon korrigjimin?

Gazetarët: Jo, s’është korrigjim. Po po.

Berisha: Jo të them unë ty. Jo, po jo the një gënjeshtër. S’është gënjeshtër? Jo gënjeshtër, s’është, nuk është qëlluar nga brenda Kryeministrisë. Është qëlluar nga vendrojet, nga vendrojet e Gardës.

Gazetarët: Po të qëlluar mbi protestuesit. Pra, kush e dha urdhërin?

Berisha: Është qëlluar mbi nga vendrojet e Gardës, ta them unë ty tani, tani shiko. Tani, a po bën punën e tyre ti apo tëndën, po mirë po. Tani prit një minutë.

Gazetarët: Jam pyetur zoti Berisha.

Berisha: Një minutë, një minutë. Po jo do flas unë, do flas. Një, në radhë të parë të jeni korrekt, jo të dezinformoni. Është qëlluar nga vendrojet e Gardës. Pikë. Sepse prit një minutë, prit të them unë ty.

Gazetarët: Në taracën e Kryeministrisë, zoti Berisha?

Berisha: Prit. Vendroja është, vendrojet e Gardës, është qëlluar nga vendrojet e Gardës. Garda ka një, ka një ligj, ka një ligj i cili ligj autorizon rojen të qëllojë sa herë dikush e kërcënon me ndonjë objekt apo me ndonjë gjë, të qëllojë në ajër. Kur ajo përsëritet, të qëllojë te këmbët, kur ajo përsëritet, ta eliminojë rrezikun. Ky ligj është votuar nga Partia Socialiste, jo nga ne. Pra, Garda që ta mësoni ju dhe mund të rrëmoni 120.000 herë, nuk funksionon me urdhër, funksionon me ligj. Pra, sado që ta ktheni e ta stërktheni, Garda dhe çdo vendroje e armatosur funksionon me ligj. E qëllove, gjuajte drejt tij, duhet të qëllojë në ajër. Vazhdove, persistove, duhet të qëllojë te këmbët. Vazhdove, persistove, duhet të eliminojë rrezikun. Këtë i thotë ligji Gardës. Këtë ia thotë ligji çdo vendroje.

Gazetarët: Kjo ka qenë edhe përgjigja juaj që s’ka pasur urdhër, është respektuar ligji?

Berisha: Absolutisht, asnjë urdhër.

Gazetarët: A ju pyetën konkretisht për këtë pyetje? Pra, a ju pyetën?

Berisha: Çfarë doni të pyesni mua, unë t’ju përgjigjem.

Gazetarët: Jo jo, çfarë ju pyeti BKH-ja ju pyeti për urdhër…

Berisha: Asnjë urdhër nuk është dhënë për të qëlluar. A keni dhënë urdhër? Asnjë urdhër dhe kurrë. Kurrë. S’mund t’i jepet urdhër.

Gazetarët: Pyetje të tjera esenciale cilat ishin zoti Berisha që ju drejtuan gjatë këtyre dy orëve që ishit?

Berisha: Tani që të, tani të them unë ju. Pyesni ju që t’ju përgjigjem unë cilat janë pyetjet se të rreshtoj unë të gjitha pyetjet…

Gazetarët: Marrëdhënien me ish-ministrin e Brendshëm zotin Basha?

Berisha: A jeni takuar, a jeni a jeni takuar? Po ka ardhur në zyrën time dhe ka kërkuar nga unë që unë të dal në, sepse ishin thyer xhamat me plumba apo me gurë tek dritarja ngjitur me, me tavolinën time dhe ministri, komandanti i Gardës kanë ardhur më kanë thënë të evakuohemi. Jo kam thënë, se unë isha jashtë për një drekë me ambasadoren gjermane dhe u futa drejt në zyrë. Isha njeri në detyrë. Unë isha njeri në detyrë. Nuk, po të shkosh në një zyrë tjetër. Jo, kjo është zyra ime. Zyra e kryeministrit është zyrë e kryeministrit, kryeministri nuk mund të bëjë zyra sipas qejfit. Ajo është zyrë e tij, është institucion kushtetues kryeministri. Jo kam thënë, nuk lëviz. Kjo ka qenë dhe kërkesa e tyre dhe unë kam qëndruar në zyrë gjerë në fund.

Gazetarët: Zoti Berisha, a kërkuan shpjegime prokurorët lidhur me faktin që kryeministria në atë kohë, ose të paktën u tha në atë kohë që ju refuzuat të zbatoni urdhërat e Prokurorisë së Përgjithshme për ndalimin e zinxhirit drejtues të Gardës…

Berisha: Se çfarë thoni ju, këto janë gjëra të tjera… Po aty ka patur një ndërmjetësim. Që do të thotë, do të thotë që ka patur një ndërmjetësim ndërkombëtar. Ka patur një ndërmjetësim ndërkombëtar.

Gazetarët: Kush ndërmjetësoi dhe çfarë ndërmjetësoi?

Berisha: Ato se kush ndërmjetësoi është tjetër punë, ka ndërmjetësuar ambasadori i Shteteve të Bashkuara.

Gazetarët: Dhe çfarë kërkonte zoti Berisha?

Berisha: Dhe, ka kërkuar që dhe çdo oficer i kërkuar nga prokuroria është paraqitur në prokurori, por në ndjekje të lirë sepse, sepse Edi Rama dhe Ina Rama kërkonin të eliminonin zinxhirin e komandës, në një kohë kur Edi Rama kishte deklaruar se beteja tjetër do të ishte vendimtare. Dhe kaq ka qenë, dhe secili nga gardistët e thirrur është paraqitur në prokurori. Të gjitha të tjerat janë mashtrime.

Gazetarët: Keni qenë pothuajse dhe dy orë në Prokurori, a ju kanë komunikuar diçka prokurorët e SPAK-ut?

Berisha: Kanë bërë pyetje, thashë edhe njëherë, në një procedurë shumë normale, shumë normale.

Gazetarët: Zoti Berisha, në dijeninë tuaj, cili është roli i gardistit Agron Malaj që më pas u shpërblye nga qeveria me poste?

Berisha: Nuk kam, pavarësisht nga teoritë konspirative, unë nuk kam dijeni, se ai të ketë bërë një vepër të qëllimshme. Unë di që ai ka deklaruar në prokurori se nuk ka patur urdhër të qëllojë dhe me sa di unë, nuk e kam njohur kurrë, ai ka qenë komandanti i grupit të zjarrit, tani se çfarë quajnë ata grup zjarri, as këtë s’e kam të qartë shumë, por ai ka qenë komandanti i tyre dhe ai thotë nuk ka patur urdhër.

Gazetarët: Zoti Berisha, një ditë pas protestës së 21 janarit, shefi i Gardës së Republikës në atë kohë, Ndrea Prendi, u shfaq në publik me sy të nxirë. A mund të na shpjegoni çfarë ka ndodhur në lidhje me këtë moment, sepse ka mbetur e paqartë që prej 13 vitesh?

Berisha: Më mirë se kushdo tjetër, çfarë ka ndodhur e shpjegon secili person që ka përjetuar. Ndrea Prendi ka qenë në krye të detyrës gjatë gjithë ditës dhe në vlerësimin tim, ai ka bërë të pamundurën që të përmbushë detyrimet ligjore të tij. Kaq.

Gazetarët: Zoti Berisha, kush e dha urdhërin për të qëlluar jo me fishekë manovre, por me fishekë luftarakë ndaj protestuesve?

Berisha: Ai urdhër është në mendjen tuaj, se s’e ka dhënë njeri. Të garantoj që s’ka…

Gazetarët: Ka një audio, kemi dëgjuar të gjithë një audio.

Berisha: Për një audio, ai urdhër është në, në mendjen tuaj dhe të atyre që trillojnë. Po, të flas për atë po. Të falsifikosh një zë është gjëja më e thjeshtë dhe unë po ju them ju këtu që janë imituar në pothuaj në autenticitet të plotë jo zëra të njerëzve të thjeshtë, por gjerë dhe të presidentit të Shteteve të Bashkuara, të Barack Obamës. Kështu që këto janë çështje të cilat nuk kanë asnjë lloj, një urdhër i dalë pas 13 vitesh, një zot i dalë pas 13 vitesh.

Gazetarët: Edhe në rastin kur ta themi se audio e dorëzuar është e manipuluar siç pas jush.

Berisha: Ke ndonjë dëshmi ti që është autentike? Që më pyet mua, po si mund të isha…Kjo e dorëzuar pas 12 vitesh. Është një lloj si shiriti i Ilir Metës, si regjistrimi i Ilir Metës.

Gazetarët: Zoti Berisha, ju keni akuzuar se SPAK ose drejtësia nuk ka hetuar organizatorët. Duke qenë se keni qenë kryeministër dhe keni pasur informacione dhe për mënyrën se si janë, është organizuar protesta e 21 janarit, ju kanë pyetur sot prokurorët rreth, keni patur informacione pra, keni patur funksion…

Berisha: Sigurisht që më kanë pyetur. Më kanë pyetur dhe unë i kam thënë të gjitha ato çka unë kam patur informacion, por që Edi Rama është kryeorganizatori, këtë nuk ka njeri tjetër që s’e di dhe në fakt pikërisht kjo, se ka edhe njëherë një kërkesë të prerë të qeverisë së Shteteve të Bashkuara e shprehur nga Deputy Assistant Secretary, Thomas Countryman, i cili ka ardhur gjatë asaj periudhe dy herë nga Uashingtoni për këtë çështje dhe kërkesa e tij ka qenë e prerë në emër të qeverisë amerikane që duhet të hetohet nga polici i thjeshtë tek organizatori kryesor, referojuni mediave. Por, por ky hetim nuk u bë sepse organizatori ishte Edi Rama. Kaq është e gjithë puna.

Gazetarët: Zoti Berisha a besoni se do të bëhet nga SPAK ky hetim?

Berisha: Të besosh këtë është si të besosh rrethin katror apo veshin pa pasqyrë Po Altin Troplini, po jo merre këtë ti, merre këtë ti, merre këtë moment. Unë ftohem për të dhënë dëshminë, gjëja më normale. Po dhe kjo është një, kjo është një gjë që s’ka të bëjë fare me publikun. Dhe ata pa më dhënë mua ftesën, Altin Troplini jua jep mediave. Nuk po them se ja jep BKH-ja. Jo. Ai bën pazare me mediat e të tilla se ka krijuar një rrjet gazetarësh që i përdor një lloj siç i përdorte sigurimi i shtetit dikur informatorët e vet. Po këtë unë them gazetarëve, nuk u del mirë ndaj tyre.

Gazetarët: Zoti Berisha, nëse SPAK ju komunikon një akuzë, a jeni i gatshëm të përballeni me drejtësinë dhe a ndiheni i rrezikuar?

Berisha: Ajo çka unë ju them, ajo çka unë ju them ju, kini kujdes prej tyre se janë mashtrues, janë mashtrues…

Gazetarët: Doktor, mos janë pronarë mediash?

Berisha: Asgjë s’ka.

Gazetarët: Nëse do t’ju paraqitet ndonjë provë në SPAK, jo ju, por do ju ballafaqojnë me ndonjë provë dhe më fal, më lër të mbaroj. Dhe a mendoni se në këto dy orësh ju keni ezauruar çdo shpjegim tuajin mbi çështjen e 21 janarit?

Berisha: Po, jam përgjigjur të gjitha pyetjeve që ata më, më janë bërë aty dhe mendoj pyetje që duheshin. Do isha përgjigjur këtyre pyetjeve 13 vite më parë, pa asnjë hezitim.

Gazetarët: Pse s’ju kanë thirrur më herët?

Berisha: Po nuk jam thirrur.

Gazetarët: Keni një koment pse s’ju ka thirrur zonja Ina Rama?

Berisha: S’ka thirrur zonja Ina Rama, se zonja Ina Rama bashkë me, bashkë me zotin Edi Rama ishin në tavë, të dy bashkë.

Gazetarët: Zoti Berisha, në rastin që SPAK ju komunikon një akuzë, a jeni i gatshëm të përballeni me drejtësinë dhe a ndiheni i rrezikuar?

Berisha: Nuk ndihem kurrë i rrezikuar unë, të jesh e bindur në këtë apo jo. Kurrë nuk ndihemi i rrezikuar, kaq. Kjo është përgjigjja.

Gazetarët: A do të përballeni në rastin që…?

Berisha: Po ja jam këtu, ku jam, a jam këtu tek në një institucion të drejtësisë? Kjo është.

Gazetarët: A u ballafaqua grupi i hetimit me përgjigjet që ka dhënë ish-ministri i Brendshëm Lulzim Basha, i cili ishte pak ditë më parë në SPAK dhe a ju ballafaqoi dhe kërkoi qëndrime edhe mbi përgjigjet që kanë dhënë ish-zyrtarë të tjerë dhe ish-funksionarë të tjerë të Policisë së Shtetit dhe ju…

Berisha: Asnjë lloj ballafaqimi me dëshmi të tjera, e vetmja gjë meqë pyet. Bamir Topi që ishte pjesë e skenarit, paska shkruajtur në libër se, Lulzim Basha e ka takuar të nesërmen mos gaboj, për të ndërhyrë tek Ina Rama që të zbusë masën ndaj oficerëve të Gardës. Gjë e cila, është teorikisht e pamundur që unë të dërgoja njeri tek Bamir Topi që ishte një nga organizatorët që priste zgjatjen e mandatit nga Edi Rama.

Gazetarët: Keni lexuar librin apo ishte provë…

Berisha: Jo e morën nga libri. Ata më thanë këtë, ishte nga libri. Një minutë. Pra, por, por nga ana tjetër, Lulzim Basha nuk e kishte të ndaluar, s’kishte asnjë direktivë, asnjë porosi të kryeministrit që të mos komunikohej me presidentin.

Gazetarët: Për ta kuptuar qartë zoti Berisha, ky pasazh ishte lexuar nga prokurorët apo e kishte deklaruar ish-ministri i Brendshëm?

Berisha: Jo këtë, këtë pasazh nuk e ka, nuk e di, ka deklaruar ministri i brendshëm, apo jo, po këtë pasazh e kishin marrë, imagjinoni, nga, e kishin marrë nga Nokturnum i Bamir Topit se paska shkruar edhe një libër Bamir Topi tani. E keni parë ju librin e Topit? Mos t’i bëjmë reklamë librit të tij.

Gazetarët: Qëndrimi juaj në lidhje me, sqaroni pasazhin dhe atë që ka shkruar ish-presidenti. Cili ishte qëndrimi juaj?

Berisha: Qëndrimi im që unë nuk e kam dërguar. Nuk mbaj mend ta kem dërguar. Po ministri mund të ketë shkuar se unë s’kam, nuk kam, po. Unë di që, unë di që në atë proces ka kontribuar ambasadori i Shteteve të Bashkuara i cili ka biseduar dhe oficerët kanë shkuar secili, janë marrë në pyetje, janë marrë në ndjekje penale sipas rregullave. Po.

Gazetarët: A deklaruat ju emra konkret dhe a i sugjeruat ju emra të tjerë SPAK-ut që duhet t’i pyesë?

Berisha: Ato çka kam deklaruar publikisht, përveç Edi Ramës, më është thënë dhe e kam deklaruar që një zhug me hunj ka sjellë aty Fidel Ylli dhe e ka vendosur diku te një ndërtesë tjetër. Kaq është deklaruar, unë s’kam parë gjë se unë kam qenë në zyrë.

Gazetarët: Meqënëse ju keni thënë gjatë gjithë kohës ambasadori amerikan i kohës ka negociuar, a kërkuat pyetjen e tij nga SPAK?

Berisha: Jo, në asnjë mënyrë. S’kërkova unë, unë nuk, unë nuk e kam, nuk i kam kërkuar kujt ndihmë aty. As ambasadorit dhe asnjë njeriu. Duket të tjerë duhet t’i kenë thënë ambasadorit, por qeveria amerikane ka patur angazhim të jashtëzakonshëm për të zgjidhur ato probleme. Ka ardhur dy herë Thomas Countryman, ka ardhur dy herë në njësi kohe të shkurtër, dy javore dhe ka ardhur edhe zoti Steinbeg që ishte asistent sekretar, ishte ndihmës sekretar i shtetit për këtë çështje. Pra, ishte një angazhim i plotë i qeverisë amerikane për të zgjidhur këtë, për të ndihmuar, për të kontribuar në zgjidhjen e kësaj krize.

Gazetarët: Zoti Berisha, ju do vazhdoni protestën përpara Kryeministrisë, do vazhdoni…

Berisha: Do vazhdohet, do vazhdohet, do vazhdohet. Nuk ka.

Gazetarët: Zoti Berisha, po në lidhje me serverat në Kryeministri, jeni pyetur sot nga Prokuroria e Posaçme?

Berisha: Për serverat jo, nuk jam pyetur, jam pyetur për për sistemin e sigurisë jashtë. Nuk kam dijeni për to.

Gazetarët: Në rast se do thërriteni sërish do paraqiteni?

Berisha: Sa herë të duan. Sa herë të kenë nevojë, pa diskutim. Unë thashë edhe njëherë, thirrem pas 13 vitesh për një, për protestën më të dhunshme me të cilën u rrethua kryeministri i vendit dhe kryeministri, u goditën, u qëlluan dritaret me gurë, me plumba, me të gjitha mjetet, por nuk u thirr ndonjëherë.

Gazetarët: Megjithatë si ish-kryeministër i kohës, a shpresoni ju që SPAK të paktën në këtë hetim të gjejë se kush i vrau dhe dy protestuesit e tjerë?

Berisha: Të, të të besosh se SPAK-u nuk do bëjë hetim politik, do të thotë të tallesh me veten tënde. Se siç e shihni, SPAK-u bën hetime politike. SPAK-u është një repart i Partisë Socialiste kundër opozitës. Pra të presësh mendjen aty që guxon SPAK-u të gozhdojë Edi Ramën për aktin më të dhunshëm në histori. Jo mo, po s’bëhet ajo është, janë…

Gazetarët: Por zoti Berisha, protesta të dhunshme bëhen gjithë botën, Francë…

Berisha: Ashtu ë?

Gazetarët: Një veprim tipik, po po. Ne televizor shohim. Kështu që protesta të dhunshme bëhen gjithandej, kjo nuk e justifikon vrasjen. Pavarësisht faktit që po…

Berisha: Në fakt për vrasjet, duhet të ketë hetimin. Thashë edhe njëherë, po që kur kur përdorin dhunën, ka dhe plagosje, ka dhe vrasje, kjo është e pamohueshme, s’mund ta thuash. S’mund të thuash jo. Jo s’mund ta mohosh atë. Dhe ata dhe ata që i organizojnë këto, ata që organizojnë këto ose ata që shkelin ligjin mbahen përgjegjës.

Gazetarët: Zoti Berisha, a ju ballafaquan gjatë kësaj seance dy orëshe, kishte folur dikush kundër jush?

Berisha: Po kush mund të flasë kundër meje? Përveç Edi Ramës, njeri tjetër kundër meje nuk mund të flasë.

Gazetarët: Gjatë dinamikës së ngjarjes, zyrtarë të lartë të Gardës së Republikës dhe ish-drejtues i Gardës së Republikës dhe ish-ministri i Brendshëm, gjatë dinamikës së ngjarjes, a kanë marrë mendimin tuaj nëse duhet të hapin zjarr apo jo?

Berisha: Kurrë. Kurrë, kurrë. S’mund të ketë, s’mund të ketë mendime të tilla.