Seancë maratonë, me imazhin e të pandehurës Balluku, Edi Rama kalon Projektbuxhetin 2026

Një seancë maratonë prej 16 orëve pas asnjë substancë buxhetore, ku u miratua Projektbuxheti prej 8.8 miliardë euro për vitin 2026, madje dhe paketa për “Paqen fiskale”, la vetëm një gjurmë tek qytetari shqiptar, rikthimi i Kristaqit me shokë që rivalin politik e dëshiron me faqe për muri, pamje që Kryeministri Edi Rama tha se e frymëzon!

“Zjarr!” Nuk urdhëroi Edi Rama mbrëmë ndonëse vetëm kjo mungon në seancë parlamentare që menaxhohet nga Kryeministri Rama, ku nuk ka respekt as për veten e vetë ndërsa merrte pjesë në një seancë për miratimin e Buxhetit për vitin 2026 që vetë ka propozuar.

Dhe, nga ora 10:00 e mëngjesit të 19 Nëntorit deri në orën 03:00 të 20 Nëntorit, duke servirur vetëm imazhin e të pandehurës Belinda Balluku, Kryeministri Edi Rama u nda i kënaqur që me 83 votat e mazhorancës dhe përdhosjen e opozitës miratoi në parim Projektbuxhetin 2026 dhe 8 Projektligjet që përbëjnë paketën fiskale për vitin e ardhshëm, i painteresuar që në sallë ishin 112 deputetë në momentin kur aktet kaluan për votim.

Kështu Projektbuxheti 2026 u votua në parim ndërsa shqiptarët janë në pritje se kur i biri i Kristaqit do të jep edhe urdhërin e përsëritur nga viti 1946, pasi u frymëzua me idenë e pamjes së deputetëve me faqe për muri:

“Do më pëlqente të vazhdoja gjatë me këtë pamje ekskluzive që kam këtu, jo më pëlqen por më frymëzon shumë dhe kështu me faqe për muri ju pafsha gjithmonë!”

Vazhdimi i këtij fjalimi, ndonëse në pamje të parë premtues, nuk ka kuptim pasi disa orë më pas e dëshmoi se kemi të bëjmë me një mashtrues kronik që nuk e mbanë fjalën:

“Vetëm me shëndet aman se na duheni gjallë!”

Por, votimi tregoi se nuk i duhej asnjëri prej tyre i gjallë, sepse ngeli në kuotat kriminale që kishte: 83 deputetë komunistë!