Mesazhi për narkoqeverinë dhe mercenarin e Edi Ramës, Berisha: Drejtësia një ditë do thotë fjalën e saj!

Me zbatimin e detyrimit ligjor të “detyrimit të paraqitjes” në SPAK, Kryetari i Partisë Demokratike, Sali Berisha, në Prokurorinë e Posaçme po zhvillohej një takim shumë i veçantë, Altin Troplini kishte mbledhur BKH-në dhe u lexonte urdhrin e fundit të Edi Ramës: Do të çarmatosen që të gjithë agjentët e BKH dhe do armatosen me patllake dërrase.

Ndërkohë Kryetari i Partisë Demokratike lexoi mesazhin që kishte lënë në SPAK:

“Armikut të egër të pluralizmit politik dhe të votës së lirë të shqiptarëve, mercenarit të Edi Ramës dhe narkoqeverisë së tij, Altin Dumani, me kujtesën se për veprat e tij të rënda penale, drejtësia një ditë do thotë fjalën e saj!”.

Po të kërkoni ju të futeni, tha lideri i opozitës para gazetarëve, në atë ndërtesë, nuk u lejojnë sepse po zhvillohej një takim shumë i veçantë.
“Altin Troplini kishte mbledhur BKH-në dhe u lexonte urdhrin e fundit të Edi Ramës.
Do të çarmatosen që të gjithë agjentët e BKH dhe do armatosen me patllake dërrase.
Më patllake të vërteta nuk do ketë, se na e tmerruan kryeministrin.
Dhe e kishte mbajtur të fshehtë 20 e ca ditë.
Shkuarjen e agjentëve të BKH në kryeministri me patllake, Rama i tmerruar e mbajti të fshehtë 20 e ca ditë dhe e nxori të nesërmen e vendimit të Irenave të Kushtetueses.
Të vendimit antikushtetues, antiligjor, të turpshëm, të paprecedent në historinë e Europës dhe botës për një vend me shtet ligjor,” tha Sali Berisha duke konstatuar se Edi Rama ka marrë zemër sepse Gjykata Kushtetuese ka mbyllur çdo mundësi për hetimin e ministrave!

“Kjo i dha zemër Edi Ramës. Shikoni pse foli dje ai. Ai foli dje sepse pas vendimit të Gjykatës Kushtetuese, mbyllet absolutisht çdo mundësi e institucionit të hetimit të hetojë ministra.
Ai mori garanci të plotë për këtë, sepse në rast se nuk ka pezullim, imunitetin dhe arrestimin ai nuk e lejon kurrë, siç nuk e lejoi në rastin e Saimir Tahirit.
Pra, ajo masë e vetme që u kishte ngelur në duar institucionit të prokurorisë, ishte pezullimi.
Dhe këtë, pasi pariti Gjykatën Kushtetuese gjer në tjegulla, e bllokoi një masë të tillë.
Një akt si ky nuk ka ndodhur kurrë,” tha Kryetari i Partisë Demokratike, Sali Berisha, duke përfunduar:
“Unë kam bindjen më të thellë se qytetarët shqiptarë me datën 22 dhjetor do të mblidhen në Tiranë për t’i dhënë përgjigjen më të merituar vendimit të Edi Ramës për të mos lejuar hetimin e parave që ka vjedhur me Belinda Ballukun.”