Sali Berisha i përgjigjet Hashim Thaçit: S’mund të pastrohesh me mbetje të kuzhinës së Beogradit

Ish-presidenti, Sali Berisha i është përgjigjur akuzave të bëra nga Presidenti i Kosovës, Hashim Thaçi, pas kundërshtimit të idesë së tij për korrigjim të kufijve me Serbinë.

Berisha ka folur sot për këtë çështje duke i quajtur mjerane komentet e Thaçit, i cili sipas tij se kërkon të pastrojë fytyrën me mbetjet e kuzhinës së Beogradit.

“Nuk ka mjerim më të madh se sa të përpiqesh ta pastrosh fytyrën me mbetjet e kuzhinës së Beogradit. Kjo është e vetmja përgjigje që kam”, tha Ish-presidenti Sali Berisha në një intervistë për RTV Dukagjini e cila sonte transmetohet e plotë.