“Aksident i çuditshëm”, 39 të vdekur mbi 150 të plagosur në përplasjen e dy trenave në Spanjë

Në përplasjen midis dy trenave me shpejtësi të lartë në Adamuz, pranë Kordobës në Spanjë, kanë mbetur të vdekur të paktën 39 persona dhe janë plagosur më shumë se 150 të tjerë. Aksidenti tragjik ndodhi kur njëri prej trenave doli nga shinat dhe kaloi në shinën pranë.

Këtë aksidenti hekurudhor tragjik, ministri i Transportit i Spanjës, Óscar Puente, e cilësoi, jashtëzakonisht të çuditshëm ndërsa konfirmoi numrin e të vdekurve ka arritur në 39 dhe ende nuk është përfundimtar.

“Numri i të vdekurve ka arritur në 39 dhe ende nuk është përfundimtar. Dua të shpreh mirënjohjen time më të thellë për punën e jashtëzakonshme të ekipeve të shpëtimit gjatë gjithë natës, në rrethana shumë të vështira, dhe ngushëllimet e mia për viktimat dhe familjet e tyre gjatë kësaj kohe të tmerrshme,” tha Óscar Puente rrugës për në vendin e aksidentit përmes rrjetit social X ndërsa kishte folur për një linjë hekurudhore të rinovuar plotësisht në maj të vitit 2025, në kuadër të një investimi prej 700 milionë eurosh, ndërsa vendi ku ndodhi aksidenti ndodhet në një segment të drejtë të linjës, pa kthesa.

Ya en Córdoba camino del lugar del accidente. La cifra de fallecidos alcanza ya a 39 y no es definitiva. Quiero expresar todo mi agradecimiento al enorme trabajo de los equipos de rescate durante la noche, en circunstancias muy difíciles, y mis condolencias a víctimas y familia… https://t.co/z4EBWF9fjM

— Óscar Puente (@oscar_puente_) January 19, 2026

“Bëhet fjalë për një aksident jashtëzakonisht të çuditshëm; të gjithë teknikët dhe ekspertët janë të shokuar,” tha ministri ndërsa hetimi pritet të bëhet nga Komisioni për Hetimin e Aksidenteve Hekurudhore.

“Komisioni është i pavarur dhe do të hedhë dritë mbi shkaqet, në mënyrë që të kuptojmë saktësisht se çfarë ndodhi.”

Por Presidenti i kompanisë së njërit prej trenave që u përpals “Renfe”, Alvaro Fernandez Heredia, është i prerë:

“Gabimi njerëzor praktikisht përjashtohet. Nëse shoferi bën një gabim, vetë sistemi e korrigjon atë. Le të mos spekulojmë, le të presim hetimin,” tha Alvaro Fernandez Heredia në emisionin “Las Mananas” të RNE-së duke përfunduar:

“Është një aksident në rrethana të çuditshme!”

Ndryshe, eksidenti ndodhi rreth orës 7:40 të mbrëmjes kur tre vagonët e fundit të një treni Iryo që transportonte 317 pasagjerë nga Malaga në Madrid dolën nga shinat në pikat hyrëse në Adamuz. Vagonët kaluan në shinën ngjitur, ku një tren Renfe nga Madridi në Huelva po udhëtonte në drejtim të kundërt me rreth 200 km/orë, duke shkaktuar daljen e tij nga shinat.