President Trump themelon Bordin e Paqes për Gazën, Kosova firmos pjesëmarrjen

Presidenti i Shteteve të Bashkuara, Donald Trump dhe liderët botërorë duke përfshirë Presidenten e Kosovës, Vjosa Osmanin, firmosën në Davos dokumentin e themelimit të Bordit të Paqes për Gazën.

Trump: Konfliktet në Gaza tani janë “zjarre të vogla”

Gjatë fjalimit të tij, Presidenti Trump tha se në Gaza, për të cilën thotë se aty filloi plani për Bordin e Paqes.

Një marrëveshje paqeje u arrit më herët këtë vit, që përfshinte shkëmbimin e pengjeve izraelite dhe të burgosurve palestinezë.

Presidenti amerikan tha se lufta në Gaza “po shkon vërtet drejt fundit”dhe se konflikti tani përbëhet nga “zjarre të vogla” që, sipas tij, mund të shuhen lehtë.

Hamasi “ndoshta do” të bëjë atë që premton, tha Trump. “Ata duhet të heqin dorë nga armët e tyre dhe nëse nuk e bëjnë këtë, do të jetë fundi i tyre.”

Presidenti amerikan thotë se do të punojë me OKB-në pavarësisht kritikave të përsëritura ndaj saj

Sapo të formohet Bordi i Paqes, tha Presidenti Trump, “ne mund të bëjmë pothuajse çfarë të duam”, duke shtuar se do të punojë në bashkëpunim me Kombet e Bashkuara.

Pavarësisht kritikave të tij të përsëritura ndaj këtij institucioni ndërkombëtar, ai thotë se ka “potencial të jashtëzakonshëm” në OKB.

Bashkimi i përpjekjeve të Bordit të Paqes dhe OKB-së është “diçka shumë, shumë unike për botën”, tha Presidenti Trump dhe “hapi i parë drejt një dite më të ndritshme për Lindjen e Mesme”.

Presidenti Trump iu kthye sërish Bordi i Paqes, duke pretenduar se ai ka potencialin të jetë “një nga organet më pasojore të krijuara ndonjëherë”, duke shtuar se është “i nderuar” të jetë kryetar i tij.

SHBA zbulon “planin master” për Gazën 

Dhëndri i Donald Trump, Jared Kushner, i cili ishte kyç në ndërmjetësimin e planit të paqes për Gazën, është radhazi për të folur në Davos. Ai zbuloi një “master plan” për të ardhmen e Gazës.

Kushner tha se plani do të zbatohet në faza, duke përfshirë strehim për fuqinë punëtore, 100% punësim dhe “mundësi për të gjithë”, raporton Skynews.

“Na pyesin se cili është plani ynë B,” tha Kushner. “Nuk kemi plan B, kemi një plan. Ne kemi nënshkruar një marrëveshje. Të gjithë jemi të përkushtuar ta bëjmë atë marrëveshje të funksionojë.

“Ka një master plan. Do ta zbatojmë me faza në Lindjen e Mesme. Ata ndërtojnë qytete të tilla, e dini, për dy apo tre milionë njerëz. I ndërtojnë këto për tre vjet. Pra, gjëra si kjo janë plotësisht të realizueshme nëse e bëjmë të ndodhë,” tha Jared Kushner duke përfunduar:

“Mendoj se lufta ka mbaruar; le të bëjmë më të mirën për të punuar së bashku. Qëllimi ynë këtu është paqja mes Izraelit dhe popullit palestinez. Të gjithë duan të jetojnë në paqe, të gjithë duan të jetojnë me dinjitet; le t’i përqendrojmë përpjekjet tona në mbështetjen e atyre që po bëjnë punën për ta ndërtuar këtë.”

Ndryshe, Presidenti Trump i shoqëruar nga liderët e 19 shteteve në një ceremoni në Davos firmosi themelimin e Bordit të Paqes:

Uzbekistani — presidenti Shavkat Miromonovich Mirziyoyev

Arabia Saudite — ministri i Jashtëm Faisal bin Farhan Al‑Saud

Argjentina — presidenti Javier Milei

Armenia — kryeministri Nikol Pashinyan

Azerbajxhani — presidenti Ilham Aliyev

Bahrejni — sheiku Isa bin Salman Al Khalifa

Bullgaria — kryeministri Rosen Zhelyazkov

Emiratet e Bashkuara Arabe — kryetari i Autoritetit të Çështjeve Ekzekutive Khaldoon Al Mubarak

Hungaria — kryeministri Viktor Orban

Indonezia — presidenti Prabowo Subianto

Jordania — zëvendëskryeministri Ayman Safadi

Katari — kryeministri Sheiku Mohammed bin Abdul Rahman Al Thani

Kazakistani — presidenti Kassym‑Jomart Tokayev

Kosova — presidentja Vjosa Osmani

Mongolia — kryeministri Gombojavyn Zandanshatar

Maroku — ministri i Jashtëm Nasser Bourita

Pakistani — kryeministri Shehbaz Sharif

Paraguai — presidenti Santiago Pena

Turqia — ministri i Jashtëm Hakan Fidan