Komisioni Hetimor “McGonigal”, partia e Edi Ramës e refuzoi, Gjykata Kushtetuese e kalon në seancë
Partia e Edi Ramës e refuzoi kërkesën e Partisë Demokratike për ngritjen e Komisionit Hetimor për çështjen “McGonigal”, por sot Gjykata Kushtetuese vendosi të kalojë në seancë gjyqësore publike kërkesë-padinë e PD.
Kolegji Gjykatës Kushtetuese vendosi kalimin e çështjes për shqyrtim në seancë plenare publike zgjidhjen e mosmarrëveshjes së kompetencës ndërmjet jo më pak se një të katërtës së deputetëve dhe Kuvendit të Republikës së Shqipërisë, duke përcaktuar detyrimin e Kuvendit për ngritjen e Komisionit Hetimor të Kuvendit:
(i) “Për verifikimin e ligjshmërisë së veprimeve të zyrtarëve shqiptar në raport me ish-agjentin special të FBI-së Charles McGonigal”;
(ii) “Për kontrollin e ligjshmërisë së veprimtarisë së organeve të pushtetit qendror dhe pushtetit vendor, si dhe për të verifikuar përdorimin e burimeve të administratës shtetërore për qëllime elektorale në zgjedhjet e 11 majit 2025”.
2. Deklarimi i vendimit nr.77/2025 të Kuvendit të Shqipërisë “Për mosmiratimin e projektvendimit “Për ngritjen e Komisionit Hetimor për verifikimin e ligjshmërisë së veprimeve të zyrtarëve shqiptarë në raport me ish-agjentin special të FBI-së Charles MCGonigal”, si i papajtueshëm me Kushtetutën e Republikës së Shqipërisë.
3. Deklarimi i vendimit nr.78/2025 të Kuvendit të Shqipërisë “Për mosmiratimin e projektvendimit “Për ngritjen e Komisionit Hetimor për kontrollin e ligjshmërisë së veprimtarisë së organeve të pushtetit qendror dhe pushtetit vendor, si dhe për të verifikuar përdorimin e burimeve të administratës shtetërore për qëllime elektorale në zgjedhjet e 11 majit 2025”, si i papajtueshëm me Kushtetutën e Republikës së Shqipërisë.
Ndryshe, më 13 nëntor të vitit të kaluar, Grupi Parlamentar i Partisë Demokratike ka dorëzuar një padi në Gjykatën Kushtetuese pasi partia e Edi Ramës refuzoi kërkesën për ngritjen e dy Komisioneve të hetimit për verfikimin e ligjshmërisë së veprimeve të zyrtarëve shqiptar në raport me ish-zyrtarin e lartë të FBI-së, Charles McConigal.
