Kryetari i Këshillit Kombëtar Shqiptar: Përndjekja për flamurin kombëtar në Luginë vazhdon!

Kryetari i Këshillit Kombëtar Shqiptar, Enkel Rexhepi, ka bërë të ditur sot se ka marrë një ftesë nga gjykata për vendosjen e flamurit kombëtar shqiptar në institucionin zyrtar të shqiptarëve në Luginën e Preshevës.

“Sot mora ftesë nga gjykata, sepse në institucionin zyrtar të shqiptarëve u vendos flamuri kombëtar shqiptar. Kjo është dëshmi e qartë se presioni institucional ndaj shqiptarëve në Luginën e Preshevës vazhdon,” tha Enkel Rexhepi në reagimin e tij përmes rrjetit social Facebook ndërsa garanton shqiptarët se nuk do të tërhiqen duke përfunduar:

“Flamuri trajtohet si shkelje, ndërsa diskriminimi si politikë shtetërore.

Nuk do të tërhiqemi. Dinjiteti nuk gjykohet.”