Seancë plenare, sot Edi Rama ndryshon Komisionin e Reformës Territoriale
Kaloi një fundjavë me shpenzim kot të energjisë opozitare nëse duhet ose jo Opozita të marrë pjesë në Komisionin e Reformës Territoriale madje u trumbetua mbrëmë si arritje e madhe që arritën ti ndryshojnë mendjen Kryetarit të PD, Sali Berisha, dhe vendosën të marrin pjesë, pas seancës së Komisionit që “dështoi” dje!
Ndërkohë Edi Rama ka futur që në datën 30 Janar në Rendin e Ditës, Projektvendimin “Për ndryshimin e vendimit nr. 75, datë 27.10.2025 “Për ngritjen e Komisionit të Posaçëm për Reformën Administrativo-Territoriale në Republikën e Shqipërisë”, i ndryshuar, duke akuzuar kot opozitën se po pengon zhvillimin e këtij Komisioni.
E veçanta e kësaj seance është vetëm Pika e 14-të e Rendit të të Ditës ku çdo deputet mund të flasë jo më
shumë se 5 minuta dhe nëse diskuton në emër të grupit parlamentar, jo më shumë se 8
minuta, e thënë praktikisht, valvula e vetme e shkarkimit që i ka mbetë opozitës.
Ndrysh, seanca e sotme plenare ka këtë Rend të Ditës:
SEANCË PLENARE PUBLIKE
E martë, 3 shkurt 2026, ora 10:00
RENDI I DITËS
- Miratimi i procesverbalit të seancës plenare të datës 22.1.2026.
- Njoftime.
- Interpelancë me Ministrin e Drejtësisë, z. Besfort Lamallari, kërkuar nga deputeti
Tedi Blushi. - Projektligji “Për ratifikimin e marrëveshjes së financimit, ndërmjet Republikës së
Shqipërisë, përfaqësuar nga Këshilli i Ministrave i Republikës së Shqipërisë,
Francës dhe Komisionit Evropian, për programin e bashkëpunimit (Interreg VI-C)
Interreg Europe 2021-2027”. - Projektligji “Për ratifikimin e marrëveshjes ndryshuese nr. 1, me shkëmbim
letrash, të marrëveshjes së financimit, ndërmjet Republikës së Shqipërisë,
përfaqësuar nga Këshilli i Ministrave i Republikës së Shqipërisë, Republikës së
Kosovës, përfaqësuar nga Zyra e Kryeministrit, dhe Komisionit Evropian, për
programin e bashkëpunimit ndërkufitar Shqipëri–Kosovë, 2021–2027, ratifikuar
me ligjin nr. 12/2024”. - Projektligji “Për ratifikimin e marrëveshjes ndryshuese nr. 1 të rishikuar, me
shkëmbim letrash, të marrëveshjes së financimit, ndërmjet Republikës së
Shqipërisë, përfaqësuar nga Këshilli i Ministrave i Republikës së Shqipërisë, Malit
të Zi dhe Komisionit Evropian, për programin IPA të bashkëpunimit ndërkufitar
Mali i Zi – Shqipëri 2021–2027, ratifikuar me ligjin nr. 9/2024”. - Projektligji “Për ratifikimin e marrëveshjes ndryshuese nr. 1, të rishikuar, me
shkëmbim letrash, të marrëveshjes së financimit, ndërmjet Republikës së
Shqipërisë, përfaqësuar nga Këshilli i Ministrave i Republikës së Shqipërisë,
Republikës së Maqedonisë së Veriut, përfaqësuar nga Sekretariati për Çështjet
Evropiane, dhe Komisionit Evropian, për programin IPA të bashkëpunimit
ndërkufitar Maqedonia e Veriut – Shqipëri, 2021 – 2027, ratifikuar me ligjin nr.
71/2024”. - Projektligji “Për disa shtesa dhe ndryshime në ligjin nr. 8874, datë 29.3.2002, “Për
kontrollin e lëndëve që përdoren për fabrikimin e paligjshëm të lëndëve narkotike
dhe psikotrope””. - Projektligji “Për disa shtesa në ligjin nr. 7975, datë 26.7.1995, “Për barnat
narkotike dhe lëndët psikotrope”, të ndryshuar. - Projektligji “Për disa shtesa dhe ndryshime në ligjin 10221, datë 04.02.2010 “Për
mbrojtjen nga diskriminimi”. - Projektligji “Për parandalimin e konfliktit të interesave në ushtrimin e funksioneve
publike”. - Projektvendimi “Për ngritjen e Nënkomisionit për Zhvillim të Qëndrueshëm në
përbërje të Komisionit të Përhershëm Parlamentar për Burimet Natyrore,
Infrastrukturën dhe Zhvillimin e Qëndrueshëm”. - Projektvendimi “Për ndryshimin e vendimit nr. 75, datë 27.10.2025 “Për ngritjen e
Komisionit të Posaçëm për Reformën Administrativo-Territoriale në Republikën e
Shqipërisë”, i ndryshuar. - Diskutime për çështje jashtë rendit të ditës.
(Në mbështetje të nenit 45 të Rregullores së Kuvendit: Çdo deputet mund të flasë jo më
shumë se 5 minuta dhe nëse diskuton në emër të grupit parlamentar, jo më shumë se 8
minuta. Koha e diskutimeve për çështje jashtë rendit të ditës nuk mund të jetë më shumë
se 60 minuta.)
