Mustafa: Askush nuk guxon të firmos lënien e Luginës në Serbi!
Kryetari i Partisë Demokratike të Shqiptarëve në Luginë të Preshevës, Ragmi Mustafa, tha se beson që Lugina e Preshevës mund të bashkohet me Kosovën.
“Padyshim me kënaqësinë më të madhe shqiptarët e Luginës e kanë pritur këtë. Jemi për një opsion të tillë. Përderisa Serbia s’ka gatishmëri që çështjen e shqiptarëve të Luginës ta çojë në nivel të lartë, duhet të tërhiqet sikur nga Kosova edhe Lugina, dhe këta shqiptarë të mbesin të bashkuar me Republikën e Kosovës”, tha Mustafa duke shtuar se përkundër gjithë zërave skeptikë edhe ëndrra e edhe fantazitë e shqiptarëve të Luginës po bëhen realitet.
“Kam, ndjek kancelarin gjermane, Angela Merkel, e cila vitin e kaluar afrohet pranë Murit të Berlinit dhe shprehet edhe ajo se ëndrrat u bënë realitet. Pse të mos ndodhe edhe me ne”, është shprehur ai.
Mustafa tha se është me rëndësi të madhe për shqiptarët e Luginës që ti’ bashkohen Kosovës, duke u shprehur se kjo është gjëja më e madhe që mund t’u ndodhë shqiptarëve.
“Nuk guxon dorë që të nënshkruaj një marrëveshje që shqiptarët e Luginës i lë të kolonizuar në Serbi”, theksoi ai duke perfunduar se bashkimin e Luginës me Kosovën e kanë lënë të hapur edhe ambasadat e SHBA-së, përfshirë atë në Prishtinë.
“Bashkësia Ndërkombëtare nuk pengon problemin e çfarëdo marrëveshje që arrihet në mes të dy shteteve fqinje. Kemi dy deklarata të ambasadorëve si në Prishtinë dhe Beograd. Këtë e kemi parë se përfundimisht si dritë jeshile se çfarëdo propozimi mund të vihet në tavolinë e bisedimeve”.
