“Pas vettingut do të ndëshkohen të gjithë!”

Zv/ ministri i Drejtësisë, Toni Gogu duke theksuar sot se Vettingu nuk është thjesht pastrimi i llumit nga Pallati i Drejtësisë, por mjet i cili garaton një sistem që të bëjë drejtësi, paralajmëron:

“Pas Vetingut është rradha e ndëshkimeve për të gjithë, sepse Vetingu nuk është thjesht pastrimi i llumit nga Pallati i Drejtësisë, por mjeti për të garantuar një sistem drejtësie që të bëjë drejtësi.”

Pas kërkesës së Ministrisë nga KLD për hetimin dhe shkarkimin e gjyqtares së gjykatës së Vlorës Herila Çela e cila Taulant Beqirajt  masën “arrest në shtëpi”, Gogu thekson se mbase gjyqtarët që kanë dhënë e vijojnë  të japin vendime të tilla si ky i fundit, mendojnë se do t’ia hedhin thjesht duke ikur nga sistemi, por jo!

“Dhe ashtu siç nuk mendohej se kupola e korrupsionit në sistemin e drejtësisë do të shembej e ja ku po shembet, ashtu do të ndodhë më herët se vonë, me daljen e të pandëshkuarve të çdo lloji e niveli përpara ligjit.”

Ndryshe, KPK deri më tani ka kaluar në sitë 61 prokurorë dhe gjyqtarë nga të cilët 27 janë konfirmuar në detyrë ndërsa 21 u shkarkuan