Dokumenti/ Zbulohet se çfarë i kërkoj Putin, Presidentit Trump në Helsinki

Gjatë samitit në Helsinki më 16 korrik, Presidenti i Rusisë, Vladimir Putin i ka paraqitur Presidentit të SHBA, Donald Trump disa iniciativa konkrete në lidhje me kontrollin e armatimit, duke përfshirë këtu edhe ndalimin e armëve në hapësirë, shkruan sot gazeta e BE, “Politico”.

Në dokumentin rus me titull “Dialogu për çështjet e kotrollit të armatimit”, të cilin “Politico” thekson se e ka pa, propozohet vazhdimi i të ashtuquajturës Marrëveshje e re për uljen e numrit të armëve strategjike edhe për pesë vjet.

“Në dokumentin rus theksohet numri i madh i zonave në të cilat dy vendet mund të bashkëpunojnë në mënyrë që të ulin rrezikun nga armatimi bërthamor dhe të rivendosin të paktën një pjesë të humbur të besimit të ndërsjellët,” shkruan gazeta.

Personi i cili i ka dhënë gazetës “Politico” këtë dokument tha se e kishte marr nga një zyrtar rus, dhe e ka përshkruar atë që Putin i ka kërkuar Trumpit në Helsinki.

Në dokument sugjerohet që Washingtoni dhe Moska duhet të ndërmarrin hapa në lidhje me tensionet në Evropën lindore, me zbatimin e aktiviteteve ushtarake, si dhe të rritet besimi si dhe transparenca në fushën ushtarake, raporton Agjencia e lajmeve TASS.

Detajet e reja ofrojnë dëshmi që Putin mbetet i interesuar për mbajtjen e bashkëpunimit tradicional të dy vendeve lidhur me armatimin bërthamor përkundër të gjitha mospajtimeve tjera, tha njëri prej pjesëmarrësve të bisedimeve të para pak kohëve mbi kontrollin e armatimit, që u zhvilluan në Moskë.

Përmes këtij Dokumenti, dy palët ftohen që të iniciojnë konsultime  në nivel ekspertësh, në mënyrë që të identifikohen llojet e armatimit destabilizues, ndërsa propozohet që të fillohet dialogu në formatin “dy plus dy” të ministrave të mbrojtes së dy vendeve, si dhe shefave të diplomacisë ruse dhe asaj amerikane.

Shtëpia e Bardhë ka refuzuar të komentoj ato që thuhen në këtë Dokument dhe mohoi që Presidenti Trump të ketë marrë ndonjë dokument.