Protesta e 10 shkurtit, dhunën e shkaktoi Pushteti, jo Opozita!

Mediat në shërbim të Edi Ramës filluan sulmin ndaj opozitës që në momentin kur Kryetari i Partisë Demokratike, Sali Berisha, u nis në protestë mbrëmjen e 10 shkurtit në drejtim të Kryeministrisë, por, nëse marrim zhvillimin e ngjarjeve me Qeverinë Rama vetëm nga protesta e fundit e opozitës më 24 Janar 2026, shkaktari i dhunës në këtë protestë rezulton se është ekskluzivisht Edi Rama!

Fillimisht për propagandën! Kësaj fotoje që është përdor gjerësisht në rrjetet sociale nga kriminelët e 21 Janarit 2011, pavarësisht vjelljeve të përgjakshme që ata i bënë, i mungon dhuna e protestuesve ndaj institucionit ku u zhvillua protesta, Kryeministrisë!

Nëse arsye për të përdor dhunën policore është gjuajtja e molotovëve nga 2-3 persona ku shihet qartë se asnjëri nuk i ofrohet gardhit metalik, dhe ku shumica e protestuesëve kanë duart në xhepa ose dhe ca që vazhdojnë të mbajnë dy gishta lartë, atëherë urdhërdhënësi për përdorimin e topit të ujit, gazit lotësjellës dhe dhunës policore ka punë me psikologun, as me opozitën; As me liderin e saj Sali Berisha dhe as me gazetarët që shihen se janë “shkelësit” kryesor të hapsirës pas gardhit metalik!

Ndërkohë arsyetimi për përdorimin e dhunës policore me dëmtimin e 19 policëve është i turpshëm, dhe aspak i besueshëm pas mashtrimit të protestës së 24 Janarit, kur shihet qartë se i vetmi i goditur dhe patjetër i dëmtuar ishte gardhi metalik, dhe muri i Kryeministrisë!

Por, nëse në këto media të kapura nga Sigurimit i Shtetit, ka dhe njerëz që nuk marrin urdhëra nga Taulanti ose Pastori që braktisi Zotin, dhe nuk ndikohen nga kriminelët komunistë të 21 Janarit që sot bëjnë moral, duhet ta dinë se nga 24 Janari, përveç Edi Ramës që irritohet me SPAK, Gjykatën e Posaçme dhe Gjykatën Kushtetuese pse kërkojnë pezullimin nga detyra të Zv/Kryeministres dhe ministres së Infrastukturës, Belinda Balluku, dhe e bënë të ditur se do ta ndryshoj ligjin dhe Balluku nuk do të pezullohet nga detyra e largëqoftë të arrestohet, të drejtë për t’u irrituar kanë edhe qytetarët që shohin se si mbrohet nga Kryeministri një hajdute e akuzuar nga SPAK për krime shumë të rënda, siç tha Prokuroria e Posaçme kur Komisioni i Imuniteve dhe Mandateve po refuzonte ta edhe shqyrtoj kërkesën për heqjen e imunitetit!

Ky llum mediatik i ndihmuar nga kriminelët komunistë të 21 Janairt 2011 i cili nga mëngjesi në darkë flet për Edi Ramën e irrituar me Gjykatën Kushtetuese e cila konfirmoi pezullimin e Zv/Kryeministres dhe ministres së Infrastukturës, Belinda Balluku, nuk e sheh qoftë dhe një arsye pse qytetari nuk mund të irritohet kur sheh se së fundi drejtorët hajdutë të 5D u liruan nga Gjykata me shërbim prove ndonëse u publikuan dëshmi për miliona euro të vjedhura po nga këta drejtorë!

Dhe, sikur këta qytetarë të irrutuar që vendosën të protestojnë para Kryeministrisë të përdorin dhunë, gjë që mbrëmë nuk ndodhi, shkaktari i vetëm pse ai qytetar doli të protestoj është si pushteti i Edi Ramës që ka vjedhë dhe vazhdon e vjedhë, ashtu dhe Gjykata që lindi nga drejtësia e tij e re që fyen edhe inteligjencën e qytetarëve duke i dënuar këta hajdut ordinerë me shërbim prove!

Ndërkohë për dhunën që ky pushtet ushtron ndaj gazetarëve që molotovin e shohin vetëm me sy, kjo lloj demokracie e ka zgjidhë me kohë, Edi Rama i ka blerë pronarët e mediave dhe pak rëndësi ka se çfarë e kanë në mendje ata që i janë nënshtruar dhunës në çdo sekondë kur Rama është në fron, nga Kryetari i Bashkisë e deri te ai i Kryeministrit!

Por, Qeveria Rama me altoparlantët e saj mediatik nuk janë të kujdesshëm as me krimin elektoral, me vjedhjen e votës me të cilën erdhi në pushtet në vijimësi, dhe, sot me kriminelët komunistë të 21 Janairt 2011 që bëjnë moral flet për Edi Ramën e irrituar me SPAK që kërkon heqjen e imunitetit të Zv/Kryeministres dhe ministres së Infrastukturës, Belinda Balluku, dhe i thotë qartë Prokurorisë së Posaçme se ky imunitet nuk do të hiqet, por, nuk i lejon qytetarit të irritohet kur bashkëqytetarët e tij, ndonëse e konfirmon Gjykata se kishin premtuar, ofruar dhe u kishin dhanë para zgjedhësve në këmbim të votave për Partinë Socialiste, u liruan dhe u “ndëshkuan” me shërbim prove.

Në fund, deri sa Edi Rama krekoset për mandatin e tij të fituar për herë të katërt dhe Gjykata iu thotë humbësve se “PO” votat janë blerë me para, dhe pushteti kërkon nga po këta “humbës” se duhet të durojnë deri sa këtë ju thotë hajduti i votave, ndryshe do të shpallen dhunues, sot, pak rëndësi ka se kë e shpall Kryeministri Edi Rama ose ndërkombëtarët që ka në shërbim, sepse, shkaktar i dhunës në këtë mes të kontaminuar kriminal nga patronazhistët është vetëm një dhe vetëm një:

PUSHTETI I EDI RAMES!

Sa do të ndikojë kjo dhunë e pushtetit të Edi Ramës në protestën e radhës, u pa qartë në protestën e mbrëmshme, ku vetëm nga protesta e 24 Janarit radhët e protestuesve ishin shtuar dukshëm, dhe me përfundimin e të cilës protestë, Kryetari i Partisë Demokratike, Sali Berisha, paralajmëroi:

“Sot, shqiptarët panë dhe bota pa se si kryehajduti i kombit, për të mbrojtur plaçkën e tij dhe për vithet e Lubi Ballukut, është i gatshëm, është i gatshëm t’i vërë flakën Shqipërisë. Është i gatshëm ta shkëpusë nga Bashkimi Europian. Po ne jemi të gatshëm, më të gatshëm se kurrë t’ju japim atë që meritoni.

Rroftë Shqipëria! Rroftë Shqipëria!

Më datën 20 shkurt është dita jonë, dita e fitores!

Nderim të gjithë protestuesve! Fitore, fitore, fitore!”

Ndërkohë Kryeministri Edi Rama nuk reflekton, nuk uron asnjë ditë pa dhunë, por, reagon duke kërcënuar gjyqtarët që të dënojnë protestuesit dhe gënjen për këtë lloj proteste që sipas tij nuk ka në botën demokratike, apo nuk gënjen duke pasur parasysh botën demokratike që ka në kokë, atë të vitit 1997 ose 21 Janari i vitit 2011, autor ekskluzivi i së cilës ishte vetë:

“Këto janë bombat artizanale me të cilat janë sulmuar dhe djegur e plagosur mbrëmë punonjësit e policisë, nga e vetmja parti politike në botën demokratike që ushtron dhunë dhe e dyta në historinë e botës së tërë – pas asaj të famëkeqit Robert Mugabhe të Zimbabves – që i shkon mbrapa një tetëdhjetë e kusur vjeçari të damkosur e të lajthitur!

Uroj që drejtësia të bëjë drejtësi për policët e plagosur dhe të ndëshkojë pa ngurrim bartësit e këtyre armëve me kapacitet vdekjeprurës,” shprehet Edi Rama përmes rrjetit social X duke paralajmëruar fitore të reja zgjedhore me epilogun e vendimit të Gjykatave që hajdutët e votova i ndëshkojnë me shërbim prove ndërsa përfundon”

“Sa për fatin politik të këtij cikli të ri jashtënxjerrjesh në bulevard, ai do të shkruhet si zakonisht në zgjedhjet e vitit të ardhshëm me një disfatë ende më shembullore se sa të mëparshmet, ndërkohë që ne do të vazhdojmë pa u ndalur rrugën drejt Shqipërisë 2030 në Bashkimin Europian