Goditet Centrali bërthamor i Iranit në Bushehr! Ministri i Jashtëm i Iranit: Po godasim qytetet sepse SHBA i zhvendosi ushtarët në hotele
Lufta në Gjirin Persik po ashpërsohet në çdo sekondë ndërsa numri i viktimave po rritet. Derisa Shtetet e Bashkuara vepruan në Ngushticën e Hormuzit me bomba 2270 kg të tipit GBU-72 për shkatërrimin e pozicioneve raketore nëntokësore iraniane, Ministri i Jashtëm i Iranit, Abaz Arakçi, mburret që po godet qytetet e shteteve fqinje me arsyetimin se SHBA i ka zhvendosën ushtarët e tyre në hotele.
Ndërkohë, goditjeve në këtë konflikt nuk i ka shpëtuar as centrali bërthamor i Iranit në Bushehr i cili u godit nga një raketë ndonëse aty vazhdojnë të qëndrojnë rreth 480 ekspertë rusë janë ende në objekt dhe po bëhen përgatitje për valën e tretë të evakuimit të tyre.
⚡️⚡️First strike on a nuclear power plant with Russian staff inside
— NEXTA (@nexta_tv) March 18, 2026
Bushehr NPP in Iran has been hit — Rosatom confirms: a projectile struck right next to the operating reactor, in the metrology service zone.
No casualties, no radiation leak… yet.
But around 480 Russian… pic.twitter.com/qnW7OciOZn
Centrali bërthamor i Iranit në Bushehr u godit nga një raketë, konfirmoi korporata shtetërore ruse e energjisë atomike Rosatom. Sipas informacioneve të para, raketa ra në afërsi të reaktorit operativ, në zonën e shërbimit të metrologjisë. Deri më tani, nuk ka raportime për viktima ose rrjedhje rrezatimi.
Ndërkohë gjatë natës Izraeli u përpoq të vriste Ministrin iranian të Inteligjencës Ismail Khatib. Sulmi ndaj zyrtarit të lartë iranian ndodhi në shtëpinë e tij.
Ky sulm vjen pas vrasjes së djeshme të një nga figurat më të fuqishme të Iranit dhe një njeri i besueshëm i udhëheqësit të ndjerë suprem, Ajatollah Ali Khamenei, Sekretarit të Këshillit Suprem të Sigurisë Kombëtare të Iranit, Ali Larijani, i cili konsiderohej edhe udhëheqës de facto i Republikës Islamike, pas vrasjes së Khameneit më 28 shkurt.
Ndryshe, Ministria e Shëndetësisë e Izraelit tha se spitalet izraelite kanë pranuar 192 persona në 24 orët e fundit pas sulmeve iraniane. Katër persona janë në gjendje të moderuar, ndërsa 177 persona kanë lëndime të lehta, tha ministria. Gjendja e 11 personave të tjerë nuk dihet ende. Deklarata shtoi se një total prej 3,727 personash janë shtruar në spitale që nga fillimi i konfliktit.
Ndërsa Agjencia iraniane e lajmeve Tasnim raporton se në sulmin e mbrëmshëm amerikano-izraelit në zonat e banuara të qytetit Dorud në provincën iraniane të Lorestanit, u vranë shtatë persona dhe u plagosën 56 të tjerë. Shënjestra e sulmit ishin civilët dhe zonat me popullsi të dendur, tha Zv/Guvernatori i provincës për sigurinë, siç raportohet nga.
Agjencia iraniane e lajmeve Tasnim raportoi më parë për një sulm tjetër në provincën Lorestan, në të cilin u vranë katër persona. Ky sulm amerikano-izraelit ndodhi në zonat rurale në rajonin Chegeni.
Por, ndonëse Agjencia e lajmeve iraniane Tasnim akuzon SHBA dhe Izraelin për sulmin ndaj civilëve, Ministri i Jashtëm Abbas Arakchi, në një prononcim për Al Jazeera mburret që po sulmon zonat urbane në vendet e Gjirit Persik, dhe vrasjen e civilëve e arsyeton me lëvizjen e forcave amerikane nga bazat ushtarake në hotele brenda qyteteve.
“Kudo që mblidhen forcat amerikane, kudo që janë objektet e tyre, ato janë në shënjestër. Është e mundur që disa nga këto vende të jenë pranë zonave urbane,” tha Abbas Arakçi duke e pranuar se vendet në rajon ishin të shqetësuara që njerëzit e tyre u vranë nga sulmet iraniane, por, siç duket për Agjencinë e lajmeve iraniane Tasnim, të jesh civil duhet të jesh vetëm nga Irani dhe i luajal ndaj regjimit iranian që vretë opozitën iraniane pa mëshirë.
Raportohet se shtetet arabe të Gjirit Persik janë përballur me më shumë se 2.000 sulme iraniane me raketa dhe dronë kundër misioneve diplomatike dhe bazave ushtarake amerikane, si dhe infrastrukturës së naftës, porteve, aeroporteve, anijeve dhe ndërtesave banesore dhe tregtare, shumica e të cilave kanë në shënjestër Emiratet e Bashkuara Arabe.
Sot, mediat raportojnë për vazhdimin e sulmeve me raketa ndaj vendeve të Gjirit. Emiratet e Bashkuara Arabe dhe Arabia Saudite raportuan se kishin aktivizuar mbrojtjen kundërajrore, dhe dëshmitarët raportuan se shpërthime mund të dëgjoheshin në Dubai.
