Raporti, Qendra Kërkimore “Alma”: Irani tani ka edhe 1.000 raketa!
Irani e filloi luftën me rreth 2.500 raketa balistike që, sipas një grupi të hulumtuesve izraelitë, mund të jenë qëlluar nga kamionë ose ndërtime nëntokësore.
Qendra Kërkimore “Alma” vlerëson në një Raport të ri se Irani tani ka rreth 1.000 raketa.
Në fund të luftës 12-ditore në qershor të vitit të kaluar, “Alma” raportoi se Iranit i kishin mbetur rreth 1.500 raketa.
Në tetë muajt që nga ajo kohë, ka arritur të prodhojë edhe 1.000 të tjera, duke sugjeruar se Teherani mund të rindërtojë shpejt rezervat e tij.
Ndërkohë një raketë iraniane me një kokë shkatërruese 100 kilogramëshe goditi një rrugë të vogël në qendër të Tel Avivit këtë mëngjes, duke shkaktuar dëme të shumta.
Vala e gjashtë e sulmeve të Iranit që nga mesnata shkaktoi dëme të rënda në tre ndërtesa dhe automjete aty pranë pas një goditjeje të drejtpërdrejtë.
Shërbimi izraelit Magen David Adom tha se të paktën gjashtë persona u plagosën lehtë në katër vende në qytet. Pamjet nga vendi i ngjarjes treguan një ndërtesë të dëmtuar rëndë dhe disa automjete, ndërsa tym i dendur ngrihej mbi disa pjesë të Tel Avivit.
בניין בתל אביב נפגע במטח לעבר המרכז הבוקר, מכוניות עלו באש; מד"א: אין נפגעים@tuvyayagelnik pic.twitter.com/vKPDvZZ0WA
— גלצ (@GLZRadio) March 24, 2026
Ekipet e zjarrfikësve dhe të shpëtimit u dërguan në vendin e ngjarjes në Tel Aviv, ku u raportuan dëme nga shpërthimi, goditje në strukturë dhe automjete që digjeshin. Ata shuan zjarrin, kontrolluan zonën për objekte të mundshme të varrosura dhe fikën burimet e energjisë.
Autoritetet njoftuan më vonë se njerëz ishin gjetur në strehimoren e njërës prej ndërtesave dhe se ishte bërë kontakt me ta. “Qëndrimi i tyre në strehë parandaloi viktimat”, tha departamenti i zjarrfikësve.
Komandanti i Qarkut të Tel Avivit, Haim Sargarof, tha në vendngjarje: “Mund të them se ishte një raketë me një kokë rreth 100 kilogramshe. Dëmi këtu është i madh, ishte një goditje e drejtpërdrejtë. Rrethana fatlume është se goditi mesin e rrugës dhe jo një pallat.”
Ndërsa kreu i shërbimeve të emergjencës së Iranit, tha se numri i fëmijëve të vrarë në Iran që nga fillimi i luftës SHBA-Izrael më 28 shkurt është rritur në 208
Në një videomesazh të publikuar nga televizioni shtetëror IRIB, Jafar Miadfar deklaroi se nga një total prej 208 fëmijësh që vdiqën, 168 prej tyre humbën jetën në sulmin me raketa amerikane në shkollën e vajzave në qytetin Minab në fillim të luftës.
Miadfar shtoi se 13 nga fëmijët që vdiqën ishin nën moshën pesë vjeç, dhe viktima më e re ishte një foshnjë tre-ditëshe.
Sipas qeverisë iraniane, më shumë se 1.500 civilë janë vrarë në të gjithë vendin që nga fillimi i luftës.
To my fellow Europeans. pic.twitter.com/Vcfh7Heaxy
— Ursula von der Leyen (@vonderleyen) March 24, 2026
Ndryshe, në kohën kur Presidenti i SHBA, Donald Trump, është në kërkim të paqes dhe Teherani zyrtar tallet me këto përpjekje, nga Brukseli zyrtar asgjë premtuese!
Presidentja e Komisionit Evropian, Ursula von der Leyen, ka bërë thirrje për një paqe të negociuar për t’i dhënë fund luftës në Iran, duke shprehur shqetësim të thellë për konfliktin e vazhdueshëm.
Gjatë një vizite në Australi, ku ajo iu drejtua publikut në Canberra së bashku me Kryeministrin Anthony Albanese, ajo theksoi rëndësinë e stabilitetit në Lindjen e Mesme për të gjithë botën.
“Është me rëndësi të madhe që të arrijmë një zgjidhje të negociuar që do t’i japë fund armiqësive që shohim në Lindjen e Mesme”, tha von der Leyen.
