Sot Edi Rama feston!
Në një parti me një konkurrencë të llahtarshme mashtrimi dhe krimi, që shumë shpejtë u bënë edhe profesion, përkundër konkurrencës së madhe me bela, lali era, like, sajme qorra e tigra, Kryeministri i belave dhe zegjineve, Edi Rama, është ai që sot me plotë meritë feston 1 Prillin, Ditën e Gënjeshtrave!
Ky njeri që i dha forcë fjalës kur partia e tij komuniste ishte në opozitë, dhe e zhvlerësoi po këtë fjalë duke e hedhur në kazan, padyshim është shpikësi i gënjeshtarve më të mëdha në historinë e shtetit shqiptar.
Edi Rama u tha shqiptarëve se do të kenë ujë 24 orë nën qeverinë e tij, dhe sot në shumë qytete nuk kanë as atë sasi uji që kishin prej 2-6 orë para ardhjes së tij në pushtet!
Edi Rama premtoi hapjen e 300 mijë vendeve të reja të punës, dhe me ardhjen e tij në pushtet, jo vetëm që nuk i punësoi por si kashtë shpëtimi u dha kultivimin dhe shitjen e kanabisit në gjithë Shqipërinë. Ata që nuk e pranuan trafikimin ndërkombëtar të drogës dhe i la edhe pa bukën, u detyruan të marin botën në sy.
Edi Rama gënjeu se do të ul edhe çmimin e energjisë elektrike për qytetarët dhe bizneset, dhe sot të gjithë i kanë faj pse mashtroi, nga Kievi në Teheran, por, shqiptarët paguajnë sa qimet e kokës si me Ukrainën ashtu dhe Teheranin me çmimin më të lartë ndër fqinjët e Shqipërisë.
Të gjithë ata që shpresuan se do ti përballojnë këto gënjeshtra sepse do ta kenë Shëndetësinë Falas u gënjyen edhe më keq, sepse Edi Rama ua ndaloi të sëmuren pas datës 20 dhe nëse nuk e respektojnë këtë sugjerim qeveritar do të detyrohen të paguajnë nga xhepi i tyre, kaq e ka zgjatur metrin e shëndetit qeveria!
Por, Edi Rama i gënjeu edhe për Arsimin me premtimin për buxhetin më të lartë në 30 vjet, dhe, sot, kur Shqipërinë e braktisën mbi 1 milion shqiptarë, Arsimi është në gjendje më të mjeruar se sa në kohën e “Satrapit Zog”, ku gjithçka mund të gjeje në shkollë por kurrë, në asnjë rast, mësues të paarsimuar vetëm pse janë patronazhistë!
Kur nuk kishte më se çfarë të gënjente pasi as Ballkanin nuk ja u Hapi dot patronazhistëve ndërsa shqiptarët po arrestohen rrugëve të Aleksandar Vuçiç në Serbi, vetëm pse janë shqiptarë, shtoi në listën e mashtrimeve të tij, anëtarësimin në BE!
Dhe, dje, në vigjilie të Ditës së Gënjeshtrave, më të mashtuarit, fermerët shqiptarë, të cilëve u vodhi edhe lekët për Bujqësi që iu dhuroi Evropi, Edi Rama i tronditi jo vetëm duke konfirmuar si gënjeshtër premtimin për naftën falas, por u tha se nuk do kenë më naftë falas por ndryshim të skemës, naftë të cilën mund ta kenë gëzuar vetëm ca fermerë patronazhistë që spiunojnë edhe vëllaun e tyre për Partinë.
Dhe, të gjithë ata shqiptarë që nuk u entuziazmuan nga këto premtime sepse e kishin të qartë se janë thjeshtë gënjeshtra, shpikësi i forcës së madhe të fjalës dhe zhvlerësimit të saj deri në ndalimin e hapjes së gojës, i quajti, hale!
Kryeministër i belave dhe zegjineve, Edi Rama, Gëzuar 1 Prilli, Dita e Gënjeshtrave!
