Presidentja e Kosovës, Vjosa Osmani, sot i dorëzon detyrën Kryetares së Parlamentit, Albulena Haxhiu

Pasi Parlamenti nuk arriti të zgjedh Presidentin e ri, sot në orën 16:00 Presidentja e Kosovës, Vjosa Osmani, do t’ia dorëzojë detyrën Kryetares së Parlamentit, Albulena Haxhiu.

“Në orën 16:00, Presidentja e Republikës së Kosovës, Vjosa Osmani ia dorëzon detyrën Kryetares së Kuvendit të Republikës së Kosovës, Albulena Haxhiu. Akti ceremonial i dorëzim-pranimit të detyrës do të mbahet në Kabinetin e Presidentes,” bënë të ditur Zyra e Presidentes përmes një komunikate.

Kryetarja e Parlamentit, Albulena Haxhiu, do të jetë ushtruese e detyrës së Presidentes, maksimalisht deri në 6 muaj.

Bazuar në Vendimin e Gjykatës Kushtetuese, Parlamenti ka afat deri më 28 prill për të zgjedhur Presidentin e ri, ndryshe shpërbëhet kjo përbërje parlamentare dhe shpallen zgjedhjet e reja të jashtëzakonshme.

Vjosa Osmani është zgjedhur Presidente e Kosovës më 4 prill 2021.