Hapje nga lartë, përjashtime nga poshtë!

nga Bislim Ahmetaj

Nuk mund të ketë hapje nga lartë, me përjashtime nga poshtë.

Në politikën shqiptare, PD dhe PS shpallin hapje, por praktikisht përjashtojnë çdo zë kritik.

PS e përdor hapjen si diversion, duke blerë eksponentë të PD-së, ndërsa brenda saj hesht dhe vret çdo mendim ndryshe.

PD, nga ana tjetër, ka nevojë jetike për hapje, por mbetet në slogane boshe, në kërkim të armiqve të brendshëm, pa dëgjuar zërin kumbues të bazës, apo qoftë edhe heshtjen e saj.

Ironia është se partitë flasin për përfshirje, por praktikisht ushtrojnë përjashtim.

Demokracia nuk është dhuratë e elitave, por e drejtë e njerëzve. Vetëm kur zëri i bazës respektohet, hapja merr kuptim.

Pushteti nuk mbijeton vetëm nga shumica, por edhe nga qëndrimi i pakicës ndaj saj.