Shkup, sot studentët protestojnë, kërkojnë të drejtën e tyre për gjuhën shqipe

Studentët shqiptar të universiteteve në Maqedoninë e Veriut, sot duke filluar nga ora 12:30, do të protestojnë në Shkup duke kërkuar që provimi i jurisprudencës të mbahet edhe në gjuhën shqipe.

Duke bërë thirrje për pjesëmarrje masive të qytetarëve, studentët thonë kjo nuk është vetëm lufta e tyre, por është luftë për mbrojtjen e gjuhës.

Për shkak të protestës, disa akse rrugore do të bllokohen ose devijohen.

“SPB Shkup – Njësia për Siguri në Trafikun Rrugor do të marrë masa për një regjim të veçantë trafiku. Ministria e Brendshme u bën thirrje të gjithë qytetarëve që marrin pjesë në trafik të respektojnë urdhrat e dhëna nga oficerët e policisë”, thekson MPB e Maqedonisë së Veriut duke konfirmuar devijimin e trafikut.

Ndryshe, studentët bërë të ditur se rruga e lëvizjes së protestës do të jetë nga Sheshi “Karposhovo Vostanie”, rrugës “11 Mars”, përmes Urës së Gurit, dhe do të vazhdojë përgjatë rrugës “Nikola Vapcarov” dhe do të përfundojë në rrugën “Dimitrije Çupovski” përpara Ministrisë së Drejtësisë