Praktika për masat e sigurisë, sot shqyrtohet nga Kolegjet e Bashkuara të Gjykatës së Lartë

Kolegjet e Bashkuara të Gjykatës së Lartë do të shqyrtojnë sot rishikimin e praktikës gjyqësore për vendosjen e masave të sigurisë.

Në fillim të seancës, Zv/Prokurori i Përgjithshëm, Arqile Koca, ka kërkuar që ajo të zhvillohet me dyer të mbyllura për faktin se çështja që ka vënë në lëvizje gjykatën është aktualisht në shqyrtim në një seancë paraprake po në Gjykata e Lartë e Shqipërisë.

Ndërsa avokati Luan Hazneziri u shpreh se çështja ka interes të lartë publik dhe, për këtë arsye, duhet të jetë e hapur për publikun të paktën në pjesën që lidhet me njëhsimin e praktikës gjyqësore.

Në përfundim të seancës, Kolegjet e Bashkuara janë tërhequr për të marrë vendimin, i cili pritet të ketë ndikim në mënyrën se si do të interpretohen dhe zbatohen masat e sigurisë në vijim.