Masakra e Selenicës/ Paloka: Kjo tragjedi ka tronditur çdo shqiptar por jo edhe Kryeministrin. E kemi të çmendur…
Pas masakrës së Selenicës, Nënkryetari i Partisë Demokratike, Edi Paloka thekson se tragjedia e Vlorës me të drejtë ka tronditur çdo shqiptar, ku dy familje u shuan me gra e fëmijë bashkë, por kjo nuk ndodhë edhe me kryeministrin Edi Rama i cili vazhdon të jetojë në botë tjetër.
“Ju uroj një fundjavë të qetë!” Ky është statusi i Edi Ramës pas tragjedisë së Selenicës që ka irrituar jo vetëm nënkryetarin e PD, i cili duke e vlerësuar si cinizëm ekstrem përfundon:
“Ne të çmendurin e kemi në krye të qeverisë, çfarë presim nga ata që ky i lë rrugëve!”
Ja postimi i plotë:
Tragjedia e Vlorës me të drejtë ka tronditur çdo shqiptar; dy familje që u shuan me gra e fëmijë bashkë.
I vetmi që vazhdon të jetojë në botë tjetër është kryeministri i vendit. Pikërisht në këto momente dhe pikërisht nga Vlora, Rama shkruan në fb: “ju uroj një fundjavë të qetë”…
Është cinizmi ekstrem i një kryeministri që nuk ja ndjen hiç për askënd apo është fakti që shumë qytetarë shkruajnë në komentet e tyre lidhur me autorin e krimit:
“Ne të çmendurin e kemi në krye të qeverisë, çfarë presim nga ata që ky i lë rrugëve”.
