Tërmeti i fuqishëm/ Zyrtare: Nuk ka viktima. Ja dëmet e shkaktuara…

Ministria e Mbrojtjes doli edhe me bilancin zyrtar të dëmeve që shkaktoi tërmeti i fuqishëm prej 5.4 ballëve i cili goditi Shqipërinë  sot në orën 17:38.

Sipas të dhënave të Ministrisë e Mbrojtjes, në Bashkinë Bulqizë, aty ku ishte dhe epiqendra e tërmetit, janë dëmtuar 47 banesa dhe bëhet fjalë kryesisht për çarje muresh

Në bashkinë Klos rezulton se janë dëmtuar 12 banesa dhe 8 në Mat, ku kanë pësuar dëme muret dhe tavanet.

“Specialistët e Emergjencave Civile në bashkitë të cilat kanë pasur problematika në lidhje me lëkundjet e tërmetit janë në terren së bashku me punonjës të tjerë të bashkive për tu ardhur në ndihmë banorëve,” thekson Ministria e Mbrojtjes.