“Erion Veliaj”, me kërkesë të SPAK, GJKKO pezullon afatet e paraburgimit

Gjykatën e Posaçme kundër Korrupsionit dhe Krimit të Organizuar, GJKKO,  rihapi nga para procesin ndaj Kryetarit të Bashkisë Tiranë, Erion Veliaj, pas ndarjes së dosjes, për shkak se për disa të pandehur u pranua kërkesa për gjykim të shkurtuar.

Meqë në seancë mungonin pjesa më e madhe e të pandehurve, mes tyre dhe vetë Erion Veliaj dhe bashkëshortja e tij Ajola Xoxa, si dhe disa prej avokatëve, gjykata ishte në pamundësi për të vijuar gjykimin. SPAK kërkoi pezullimin e afateve të paraburgimit, me arsyetimin se mungesat e mbrojtjes ligjore po shkaktojnë shtyrje të procesit, ndërsa mbrojtja e Erion Veliajt e ka kundërshtuar këtë kërkesë, duke theksuar se i pandehuri nuk është shkak për vonesat dhe se nuk ka arsye për pezullimin e afateve.

Në përfundim, Gjykata e Posaçme vendosi ndërprerjen e seancës dhe caktimin e një date të re për vijimin e procesit.

Ndryshe, Kryetari i Bashkisë Tiranë, Erion Veliaj, është i pandehur për 13 vepra penale, si korrupsion, pastrim parash, fshehje pasurie apo shpërdorim detyre. Ai akuzohet për një skemë komplekse korrupsioni e pastrimi parash, bashkë me bashkëshorten e tij Ajola Xoxa.