Skema të dyshimta financiare, policia kontrolle në selinë e Partisë Socialiste në Madrid
Policia spanjolle ka hyrë në selinë e Partisë Socialiste në pushtet, PSOE, në Madrid me një urdhër gjykate për të mbledhur informacione rreth një skeme të paligjshme financiare nga një ish-anëtar i partisë, raportoi televizioni publik RTVE.
Leire Diez dyshohet për pagesa të paligjshme në lidhje me kompaninë shtetërore SEPI, e cila merr pjesë në menaxhimin e disa kompanive strategjike.
Operacioni vjen dy ditë pasi një gjyqtar në një rast tjetër “Plus Ultra” thirri ish-kryeministrin socialist José Luis Rodríguez Zapatero për të dëshmuar, i dyshuar për krimet e ushtrimit të ndikimit dhe pastrimit të parave.
Sanchez nën presion
Gruaja e kryeministrit aktual Pedro Sanchez ka qenë gjithashtu nën hetim për ushtrim të ndikimit. Policia kishte hyrë më parë në selinë e PSOE në Madrid më 20 qershor 2025, kur Sekretari i atëhershëm i partisë Santos Cerdán u akuzua për manipulim të dyshuar të kontratave të punëve publike, megjithëse kërkesa për informacion në atë rast kishte të bënte vetëm me udhëheqësin socialist.
Skandalet e fundit mund të dëmtojnë Kryeministrin Sanchez, në pushtet që nga viti 2018, i cili do përballet me zgjedhjet parlamentare vitin e ardhshëm.
Sot, Sanchez është në Vatikan për një takim me Papën, ndërkohë ideri i konservatorëve të opozitës, Alberto Nunez Feijoo, tha në një deklaratë për media se Sanchez duhet të shpallë zgjedhje të parakohshme.
