Të gjithë qelbësirat në burg!
nga Agim Popoci
Haberi kryesor nga Bulevardi Dëshmorët e Kombit na thotë se Demokraci Shqiptare është kur kemi Pushtet dhe Opozitë Komuniste, e sa për Protestë ose atë çmendurinë e përsëritur në rrjetet sociale se “u zgjuan dhe po protestojnë të rinjtë” e bënë edhe më qesharake këtë demokraci komuniste fakti, se shumica e drejtorëve të Edi Ramës që kanë vjedhur dhe po vjedhin, janë pikërisht komunistë të rinj ose më saktë brezi i këtyre që thonë se po protestojnë kundër Kryeministrit Edi Rama!
Këtë përplasje komuniste të qytetërimit të stisur evropian në Shqipëri e bënë shumë më komike fakti se kemi në këtë tokë shqiptare edhe të rinj që shqetësohen për pronat kur etërit e tyre ishin plaçkitës të pronave dhe nuk është sot se u angazhuan që toka të shkon tek pronari, si dhe shqetësimi për Flamingot e Zvërnecit ndërsa pak muaj më parë rrinin e soditnin tundjen e tokës shqiptare nga tritoli i Edi Ramës në Theth duke shembur shtëpi dhe hotele, aty ku jetojnë rreth 50 lloje shpendësh folenizues dhe Thëllëza jonë e famshme, përveç se Shqiponja dhe Skifteri!
Dhe, janë po këta të rinj që refuzuan protestat e PD për faktin se demokratët e Saliut dalin nga 2-3 orë dhe shkojnë në shtëpi pa u rrëzuar Edi Rama, dhe ka një javë që tashmë dalin vetë për 2-3 deri në 5 orë protesta, që duhet pranuar me një performancë dukshëm më të kuruar, por, pa policë nëpër këmbë dhe gaz lotsjellës, me një ngjashmëri të frikshme, kur ata largohen ashtu sikur se te protestat e Saliut, e lënë Ramën në fronin që ishte, Kryeministër!
Për teoritë konspirative mund të ketë hapësirë në rrjetet sociale si për protestuesit kundër Ramës dhe Saliut, Lali Erin dhe Mamicën ashtu dhe kundërshtarët e protestës kundër Sorosit dhe Ramës, meqë flitet për një vend ku gjithçka është konspirative që nga viti 1945 kur Shqipëria u pushtua nga komunistët e drejtuar nga Beogradi, por të kërkosh liderin e opozitës në burg sepse lideri i partisë në pushtet po i jep tokë shqiptare të bijës së Presidentit të Amerikës, kjo përveç se një argument më shumë se komunistët janë dehur nga pushteti dhe pas 14 viteve në qeveri kur Edi Rama ndërkohë zhduku opozitën dhe po krijon një opozitë për qejfin e tij, tregon pse ai vazhdon e flet shumë e kot, llomotit, kërcëllon, shpif e përdor fjalë të ndyra, pra, cafkanitet!
Ndryshe, sikur do të kishim të rinj të pakënaqur nga Qeveria Rama që dalin në shesh për të protestuar, kërkesa e kërkesave do të ishte, të japin përgjegjësi para ligjit i gjithë ai llum komunist me Muç e me Tak që e solli Edi Ramën në pushtet, dhe me krenari mbanin spaletat që i bashkoi: Qelbësira!
Por, jo, këto qelbësira edhe pranohen në radhët e kësaj proteste, pa harruar analistët që e mbështetën Edi Ramën me akuzat 24 orëshe kundër Sali Berishës, që sot me zemërgjerësinë e tyre kriminale i vulosin këto akuza dhe jo me dëshmi, ndërkohë akuza e vetme ka ngelur ajo e Taos mbi favorizimin e lejes së ndërtimit për dhëndrin e Kryeministrit Sali Berisha, me kërkesën e tyre kapitale, Berisha në burg!
Ndërsa pendimi i këtyre qelbësirave në shërbim të komunistit Edi Rama që sot pretendohet të pranohet nga shumë protestues, mund të jetë pjesë e trajtimit nga klerikët fetar, por, heshtja e tyre në vitin 2013 kur Qeveria Rama u krijua me qelbësirën e qelbësirave, Ilir Meta, nuk ishte si Zoti, seksi dhe BE-ja e Ramës, por, ishte e parashikueshme që në ditën kur u organizua Revolucioni Bolshevik i 21 Janarit 2011, kur u pa se sa të revoltuar janë komunistët me korrupsionin e Zv/Kryeministrit të Berishës, shokut Ilir Meta, kur ishin të gatshëm të vdesin deri në 10 mijë veta dhe arriti t’i qetësoj Presidenti i Serbisë!
Nëse kësaj i shtojmë dhe injorimin që i bënë këta të rinj kujdesit për familje, ose më saktë protestës që organizoi Koalicioni Shqiptar Pro Familjes dhe Jetës, kundër Ligjit kriminal për Barazinë gjinore përkatësisht Urdhrit të Ministrisë së Shëndetësisë drejtuar QSUT për kastrimin kimik-biologjik të fëmijëve 13.5-18 vjeç dhe ndërhyrjet kirurgjikale për ndryshimin e gjinisë, vë në dyshim si protestën, organizatorin ashtu dhe qëllimin e Shqipërisë së Re, të cilën e propagandon ky grupim i komunistëve të rinj.
Në fund, për të gjithë ata që deklarohen se nuk kanë lidhje me ideologjinë komuniste dhe nuk kanë përgjigje pse nuk kërkohet “Belinda Balluku në burg”, ndërsa i janë bashkuar kësaj proteste me shpresën e kërkesës së parë, dorëheqje për kreun e qeverisë, duhet ta kenë të qartë se në këto rrethana, Kryeministri Rama si i zgjedhur i 90% të këtyre që sot thonë se po protestojnë kundër tij në Bulevardin Dëshmorët e Kombit, sikur ta pyet edhe Emmanuel Macron si lideri i tij frankofon se cilën rrugëzgjidhje do ta pranonte, Edi Rama pa u hamendësuar do të buçiste: Dorëheqje!
Dhe, pa u hamendësuar, duke parë se kush dhe si po i bënë opozitë, Edi Rama do të vazhdoj të përsëris atë që e tha kohë më parë në Grupin Parlamentar të partisë së tij kriminale, PS: “Në mëngjes kur ngrihem them: Faleminderit Zot që ekziston PS, dhe kur mbyll sytë them prapë, faleminderit, sepse këtu të gjithë deputetët e PS nuk do të ekzistonin nëse nuk do të ekzistonte PS, dhe, këtu ju fus ju të gjithë dhe veten time!”
