Kosovë, 63.12% e votuesve i tha JO të gjitha partive politike!
Albin Kurti me Lëvizjen Vetëvendosje e nisën ditën e sotme me fishekzjarre për fitoren në zgjedhjet e parakohshme të 7 Qershporit me 42.91% që raportoi KQZ, fitore kjo e turpshme që Pafrikë.al e kishte parashikuar që në fundprillin e këtij viti, kur Kryeministri Kurti me 51.1% të votave që po qeveriste vendin, nuk begenisi asnjë kandidat për President dhe opozita e lodhur po shikonte se çfarë do vendoste partia në pushtet, LVV, me shumicë historike!
Sot, Vendimi i Albin Kurtit me Lëvizjen Vetëvendosje për të shkuar në zgjedhjet e 7 Qershorit 2026 është histori, ndërsa rezultati i këtyre zgjedhjeve me 36.88% të pjesëmarrjes nga 44.99% sa ishte në 28 Dhjetor 2025 është turpi dhe faqja e zezë e gjithë atyre që po festoni në minutat e para të kësa dite ndonëse i bënë të gjithë shqiptarët me turp, ndërsa partinë në pushtet e uli me këmbë në tokë, pikërisht ashtu siç kishte parashikuar Pafrikë.al: Epoka Kurti mori fund! Konsensusi rikthehet në jetën politike në Kosovë!
Ndërsa Opozita me partitë kryesore PDK, LDK, AAK, për të kapitalizuar votat që ju mundësoi politika destruktive e Albin Kurtit për konsensus dhe sot kanë së bashku 45.85%, duhet të reflektojnë duke mos përsëritur gabimet e politikës së tyre nga e kaluara, me të cilën politikë pësuan vetë ata dhe qytetarët e Kosovës që po paguajnë faturën!
Sot, kur Albin Kurti me të ngjashmit mbanë sytë nga votat e diasporës që ti afrohet 500 mijë votave historike të 28 Dhjetorit 2025, që tashmë mund ti shohë vetëm në ëndërr, me 297.363 vota sa ka marrë dje në Kosovë e mori dhe përgjigjen pse duhet t’i përulet konsensusit edhe kur ka mbi shpatulla mbi 50% të votave qytetare!
Sot, Albin Kurti mori përgjigjen pse në momentet kur ai dje ishte në ethe elektorale, qytetarët që i kishin dhënë votën më 28 Dhjetor, zgjodhën ti drejtohen bregdetit shqiptar edhe duke pritur në radhë të gjata për ta paguar Taksën Rama në Rrugën e Kombit!
Sot, pasi Epoka Kurti mori fund dhe konsensusi u rikthye në jetën politike të Kosovës, Albin Kurti mund të vazhdoj mexhlisin me analistët politik të Tiranës, tashmë është e qartë se jo për t’u këshilluar, por, e sigurt është se do të kuptoj se kjo Darkë e Gabuar i shkaktoi fitoren e turpit, ashtu siç i ndodhi Edi Ramës dhe për kamerdare shpëtimi sot ka përzgjedhur akuzën dhe sharjen e këtyre analistëve politikë që i mundësuan mbështetjen mediatike, por, jo fitoren e duhur as për Ramën dhe as për Shtetin, sa për Kombin kjo pjellë nuk ka menduar kurrë, janë bijtë e etërve që Kosovën arritën ta bëjnë pjesë të Serbisë ndërsa me Shqipërinë dështuan; Jo me zgjedhje parlamentare, por me Darkën e Gabuar të kriminelit Enver Hoxha!
