Kryetari i PD s’është më Non Grata për SHBA, Sali Berisha: Unë erdha. U krye!
Kryetari i Partisë Demokratike, Sali Berisha, nuk është më eprson Non Grata për Shtetet e Bashkuara, sanksion ky i shpallur pesë vjet më parë nga Ish-Sekratari Amerikan i Shtetit, Antony Blinken, për Ish-Presidentin dhe Ish-Kryeministrin e Shqipërisë dhe Familjen Berisha.
Vendimin për heqjen e personit Non Grata për Sali Berishën nga Departamenti i Shtetit e konfirmoi edhe Zyra e Shtypit e Partisë Demokratike, duke sqaruar dhe komentin që dha Kryetari i PD sapo hyri në seancë:
Unë erdha. U krye!
Ndryshe, ishte 19 Maji i vitit 2021 kur Sekretari amerikan i Shtetit, Antony Blinken, ka bërë të ditur përmes rrjetit social Twitter se ka shpallur Ish-Presidentin Sali Berishën dhe familjen e tij të papërshtatshëm për hyrje në SHBA.
“Akte korrupsioni të ish-Presidentit të Shqipërisë, Sali Berisha, minojnë demokracinë në Shqipëri. Unë shpall publikisht Sali Berishën dhe anëtarët e familjes së tij si të papërshtatshëm për hyrjen në Shtetet e Bashkuara,” shkruan Sekretari amerikan i Shtetit, Antony Blinken, duke përfunduar:
“Ne mbetemi bashkë kundër korrupsionit me partnerët tanë në Shqipëri!”
Ndërkohë Departamenti i Shtetit duke bërë të ditur përmes një deklarate se sot, shpall zyrtarisht Ish-Presidentin e Shqipërisë, Ish-Kryeministrin e Shqipërisë dhe Ish-Deputetin e Parlamentit të Shqipërisë, Sali Berishën, të papërshtatshëm për shkak të përfshirjes së tij në korrupsion shton:
Në cilësinë e tij si Kryeministër i Shqipërisë në veçanti, Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij nga shpërdorimi i besimit të publikut shqiptar në institucionet e tyre qeveritare dhe zyrtarët publikë
