Merkel: Nuk ka ndryshim të kufijve në Ballkan!

Nuk ka ndryshim të kufijve dhe integriteti territorial i shteteve të Ballkanit perëndimor është i përcaktuar dhe i paprekshëm, tha kancelarja gjermane Angela Merkel.

“Këtë duhet përsëritur çdo herë nga fillimi, sepse ka tendenca për të biseduar për kufijt, e kjo nuk mund të bëhet,” tha Merkel pas takimit me kryesuesin e Këshillit të Ministrave të Bosnje Hercegovinës, Denis Zvizdiç në Berlin duke shtuar se perspekiva evropiane për të gjitha shtetet e Ballkanit Perëndimor ekziston, e ku BeH pretendon me statusin e vendit kandidat për në BE, raporton televizioni publik boshnjak BHRT..

“Për këtë arsye duhet dhënë përgjigje në qindëra pyetje. Ne kemi inkurajuar qeverinë e BeH. Pika e tretë e rëndësishme është marrja e statusit për anëtarësim në NATO, dhe kjo të marr fund me sukses brenda këtij viti,” tha Angela Merkel duke shpresuar se reforma në drejtësi përfudnimisht do të zgjidhet përmes Komisionit të Venecias; Ndërsa për reformën e Kodit Penal duke konstatuar se ka boshllëqe, ajo tha se Gjermania do të punoj që korrupsioni dhe krimi iorganizuar të procedohen.

Kështu, kancelarja gjermane Angel Merkel duke i dhënë përgjgije Hashim Thaçit dhe Aleksandar Vuçiçit në kulmin e debatit mbi ndarjen, shkëmbimin ose korrigjimin e kufijve, paralajmëroi edhe liderin e Republika Srpska, Milorad Dodik.