Video/ Ditën e dasmës, policët shpëtojnë dhëndrin dhe nusen nga përmbytja

Një çift nga New Jersey nuk patën fat në ditën e tyre të dasmës kur përmbytjet përfshinë pjesën veriore të shtetit, duke i lënë ata të bllokuar në makinën e tyre. Por fati ju buzqeshi pasi ata u ndihmuan shumë shpejtë nga policia dhe e gjitha përfundoi pa pasoja. Dhe, ajo që është më e rëndësishmja, dasma e tyre u realizua.

Video mahnitëse tregon nusen e veshur me fustan të bardhë, e cila  zvarritet nga dritarja e një makine të zezë që është zhytur në disa metra në ujë.

Departamenti i Policisë së Bogota-s ka postuar videon e shpëtimit, duke i uruar çiftit një jetë me ‘dashuri dhe aventurë’ pas fillimit marramendës së martesës së tyre.

Video tregon se makina e dasmës mbeti në mes të rrugës në ujërat e përmbytjeve që kishin arritur në mes të rrugës deri në skarë të makinës.

Zyrtarët duhej të përdorin një Humer të policisë për të arritur deri tek grupi i të izoluarve dhe iu dhesh të ngjiteshin në çatinë e makinës.

Një nga policët u përplas me dy makina për t’i dhënë nuses një dorë ndërsa ajo përpiqej të dilte nga makina me fustanin e saj të dasmës.

Çifti nuk është identifikuar, por departamenti i policisë tregoi se ata arritën ta bënin dasmën gjithsesi.

“Ne shpresojmë që nusja dhe dhëndri të kenë një ditë të mrekullueshme martese dhe ne nuk dëshirojmë gjë tjetër veçse më të mirën për ta,” shkroi departamenti në Facebook.

Qindra komentues vlerësuan oficerët për përpjekjet e tyre të shpëtimit dhe e sigurojnë çiftin se shiu në ditën e dasmës njihet si ogur i mbarë.