NYT: Shërbimit Sekrete paralajmëruan Trumpin, ndërroi avionin presidencial në mes të rrugës

Presidenti i Shteteve të Bashkuara, Donald Trump, ndryshoi papritur avionin me të cilin u nis për t’u larguar nga samiti i NATO-s në Ankara në fillim të muajit qershor për shkak të kërcënimit iranian, duke fluturuar me një Air Force One më të vjetër në vend të atij që i ishte dhuruar nga Katari, raporton sot e përditshmja amerikane New York Times.

Media amerikane, duke cituar burime anonime, raporton se kërcënimi lindi ndërsa Trump po merrte pjesë në takimin e NATO-s. Ai kishte mbërritur në kryeqytetin turk më herët me një Boeing 747-8 të ri, një dhuratë nga Katari, pa aftësitë e përparuara mbrojtëse të Air Force One të vjetër.

Ndërrimi i avionit dhe shpjegimi

Pas një paralajmërimi nga Shërbimet Sekrete, Presidenti Trump ndërroi avionin duke pretenduar se ndërrimi ishte për t’u dhënë trupave amerikane në Britani një shans për të kontrolluar avionin e ri, raportoi Times.

Presidenti Trump fluturoi nga Turqia me avionin e vjetër dhe më pas hipi në një avion të ri presidencial në Mbretërinë e Bashkuar, duke vazhduar fluturimin e tij për në Washington.

Hetimi për rrjedhje informacioni

NYT raportoi më parë këtë muaj se autoritetet po vinin në pikëpyetje aftësitë e sigurisë së avionit të dhuruar nga një vend i Lindjes së Mesme. Autoritetet iu përgjigjën raporteve duke hetuar rrjedhjet e informacionit ndërsa thirrën për të dëshmuar para një jurie disa gazetarë dhe duke dorëzuar listat e thirrjeve të tyre dhe të familjeve të tyre.

Presidenti i SHBA, Donald Trump pranoi gjatë fundjavës se avionit të ri i mungonin disa nga karakteristikat e modeleve të vjetra presidenciale të Boeing, ndërsa iu përgjigj një gazetari i cili vuri në dukje mungesën e mbrojtjes nga raketat. Ai tha se avioni i Katarit së shpejti do të jetë “i pajisur plotësisht”.