Zbardhja e krimeve të luftës, Pierce: Hap drejt së vërtetës dhe drejtësisë

E Dërguara Speciale e Britanisë për Ballkanin Perëndimor, Dame Karen Pierce, tha se gjetjet për krimet e luftës në Kosovë ndihmojnë në zbardhjen e së vërtetës.

Pas publikimit të dëshmive nga Instituti për Krimet e Luftës në Kosovë, E Dërguara Speciale e Britanisë për Ballkanin Perëndimor, theksoi se këto përbëjnë një kontribut të rëndësishëm në krijimin e një baze faktike për drejtësi dhe llogaridhënie ndaj viktimave të luftës në Kosovë.

Përmes një deklarate të publikuar nga Ambasada e Britanisë së Madhe në Kosovë, Dame Karen Pierce nënvizoi se dëshmitë e reja ndihmojnë në dokumentimin e fatit të më shumë se 13 mijë personave që humbën jetën ose u zhdukën gjatë konfliktit, si dhe të mijëra të tjerëve që u detyruan të largohen nga shtëpitë e tyre dhe pësuan humbje, lëndime apo trauma ndërsa përfundoi:

“Dekada e tutje nga përfundimi i vuajtjeve njerëzore në shkallë të gjerë, Britania e Madhe mbetet e vendosur në mbështetjen e saj për një paqe dhe siguri të qëndrueshme në Kosovë dhe rajon më gjerë.”