Tragjedi shqiptare në Itali, 45 vjeçarja humb jetën, e bija plagoset në aksident

Një makine tip “Ford Fusion” dhe një furgon “Fiat Scudo” janë përplasur kokë më kokë në Piacenza të Italisë. Aksidenti i cili ishte fatal për gruan shqiptare 45-vjeçare, ka ndodhur pasditën e së hënës, rreth orës 16.00, raportojnë sot mediat lokale.

Identiteti i viktimës nuk bëhet i ditur nga raportimet e mediave lokale. E plagosur, por jo në gjendje të rëndë për jetën ka mbetur një 17-vjeçare që mendohet se është e bija dhe e cila ndodhej në një makinë me 45-vjeçaren.

Ndërkohë drejtuesi i fugonit raportohet se nuk ka pësuar lëndime.

Hetim për zbardhjen e ngjarjes vazhdon.