Sulmi terrorist në Banjskë, SHBA nderon policin Afrim Bunjaku, kërkon përgjegjësi për autorët

Duke nderuar pjesëtarin e Policisë së Kosovës, Afrim Bunjaku, i cili ra në krye të detyrës gjatë sulmit terroristë në Banjskë, Ambasada e Shteteve të Bashkuara në Prishtinë ka ritheksuar thirrjen që autorët e sulmit në Banjskë të mbahen përgjegjës.

“Ne i bashkohemi Kosovës në nderimin e pjesëtarit të Policisë së Kosovës, Afrim Bunjaku, i cili u vra në krye të detyrës gjatë sulmit në Banjskë në shtator të vitit 2023,” thekson Ambasada amerikane në Prishtinë duke përsëritur thirrjen edhe në trevjetorin e këtij akti terrorist:

“Ne përsërisim thirrjen tonë që autorët të mbahen përgjegjës!”.

Ndryshe, tre vjet më parë, një grup terroristësh serbë në krye me kryekriminelin Milan Radoiçiç sulmuan Policinë e Kosovës në Banjskë të Zveçanit, ku mbeti i vrarë rreshteri Afrim Bunjaku dhe sot sulmin ashtu si terroristët serbë vazhdon ti mbroj vetëm Serbia dhe Presidenti i saj Aleksandar Vuçiç.