Video/ U shantazhua nga ish-kreu i SHISH, gazetarja Klodiana Lala: Vlora Hyseni, duhet të sqarojë akuzat!
Pasi qytetarët shqiptarë e kuptuan se Vlora Hyseni si Drejtore e Shërbimit Informativ ishte në shërbim të krimit, koordinatorit të saj Ergys Agasi me Kryeministrin, të cilit i zbuloi të dhëna sekrete dhe ishte e gatshme të fikë edhe të gjithë radarët për këtë shpurë kriminale të Edi Ramës, ajo sot guxoi para GJKKO-së të shantazhoi gazetarët, konkretisht Klodiana Lalën e cila vetëm sa i bëri një pyetje:
“Si kalon ti në takime me agjentët serbë në dhomat e hotelit Rogner?”, ishte “përgjigja” e Vlora Hysenit sapo gazetarja Klodiana Lala e pyeti nëse i ka shpërndarë materiale të klasifikuara Ergys Agasi.
Ndërsa ish-kreu i SHISH kaloi portën e sigurisë në GJKKO për t’ju komunikuar masa e sigurisë, vetë gazetarja Kldoiana Lala reagoi ndaj këtij veprimi të një shërbëtoreje ordinere të krimit:
“E pyetur nga News24 nëse ka shpërndarë materiale të klasifikuara në drejtim të shtetasit Ergys Agasi, ajo ka zgjedhur të kundërsulmojnë me gjuhë vulgare ndaj gazëtareve dhe duke i shantazhuar ata për takime në hotele të ndryshme. Kjo ka qenë përgjigjja e zonjës Hyseni, por asnjë fjalë për materialet që ka shpërndarë dhe që dyshohet sipas Prokurorisë së Posaçme që ka shpërndarë në adresë të shtetasit Ergys Agasi,” tha Klodian Lala për të cilin kundërsulm shtoi:
“Ka zgjedhur të kundërsulmojë me gjuhë vulgare ndaj gazetarëve duke i shantazhuar ata për takime në hotele të ndryshme. Se cilave takime iu referohet Vlora Hyseni mbetet për t’u sqaruar kur të dalë, por ishte një akuzë e fortë e lëshuar dhe një shantazh ndaj gazetarëve”.
Në fund të procesit, kur GJKKO i komunikoi masën “arrest shtëpie”, ajo u largua nga Gjykata e Posaçme pa bërë asnjë koment as lidhur me “takimet me agjentët serbë të gazetarëve shqiptarë në dhomat e hotelit Rogner”!
