Ndryshimet në Kod, njeriu që çoi në burg qytetarët për 2.300 lekë sot u thotë prokurorëve e gjyqtarëve: Paraburgimi, masa e fundit!
Pasi tha se mazhoranca që ai drejton realizoi Reformën në Drejtësi, pasi urdhëroi arrestimin e debitorëve të energjisë nga prokurorët dhe gjyqtarët që dolën nga kjo Reformë, pasi urdhëroi të arrestojnë edhe ata të parkimeve paralele, sot, qëndisi një Kod të Procedurës Penale që SPAK dhe GJKKO mund ti hetojnë kolegëtij e tij hajdut madje edhe vetë Kryeministrin Edi Rama, por që nuk do të mund ta rrestojnë.
Në ndryshimet e këtij Kodi, banda e Edi Ramës u kujdes edhe për celularin në rast se kapen duke vjedhë, dhe tani që denigroi gjithë rivalët politik, sot, Kryeministri duke prezantuar në praninë edhe të ambasadorëve të vendeve europiane, ndryshimet në Kodin e Procedurës Penale, tha se pajisja nuk mund të konsiderohet më thjesht një mjet komunikimi, pasi përmban një pjesë të konsiderueshme të jetës personale të individit.
“Si mund ta pranojmë faktin që krahasimi me Rusinë të jetë edhe më tronditës? Në atdheun e represionit, të paraburgosurit janë 30% të popullsisë së burgjeve. As sa gjysma e Shqipërisë që negocion BE. Të nderuar prokurorë dhe gjykatës nuk mund të vazhdojmë me shifra të tilla. Drama familjesh trauma fëmijësh dhe pasoja të pariparueshme. Jemi një vend shumë i vogël dhe popull me histori traumatike për dëmin e një politike të tillë. Kaq fat dramatik edhe për shoqërinë që nuk bëhet më e mirë kur peshorja e drejtësisë anon nga represioni.
Paraburgimi që duhet të jetë masa e fundit, në Shqipëri është qendra e gravitetit të procesit penal. Paraburgimi kërkohet rëndom e formula të gatshme pa një analizë reale të personit, të rreziqeve që i kanosen gjykimit. Kjo paketë është një përgjigjje konkrete ndaj një problemi konkret. Shqipëria nuk e ka me ata që sot janë në paraburgim, por me liritë dhe të drejtat e njeriut. Paketa ore 1/5 e KPP. Ngrihet mbi një parim, çdo ushtrim i procesit duhet të bazohet në ligj, ti ushtrohet kontrolli përmbajtësor,” tha Edi Rama dhe pas denigrimit të shumë familjeve pikërisht nga kjo mazhorancë me celularët që u sekuestruan nga SPAK e GJKKO, sot u kujtua ta mbroj jetën private”
“Ndryshimi i katërt vjen për të mbrojtur jetën privatë në epokën e telefonit inteligjent. Telefoni nuk është një mjet komunikimi, ai është arkivi i jetës së një njeriu. Prandaj sekuestrimi i pajisjes nuk mund të jetë më në asnjë mënyrë një leje e pakufishme për të lexuar dhe parë gjithçka që arkivi i saj përmban. Policia dhe Prokuroria mund ta sekuestrojnë pa diskutim, por për ta hapur dhe kopjuar duhet autorizim paraprak i gjykatës. Vendimi i gjykatës do përcaktojë kriteret e kërkimit.
Në rastet e urgjencës të përcaktuara nga ligji, veprimi duhet të vlerësohet nga gjykata brenda 48 orëve. Cdo e dhënë e marrë jashtë autorizimit është e papërdorshme, ndërsa cdo material i nxjerrë që nuk ka lidhje me hetimin duhet të asgjësohet,” tha Ei Rama duke kërkuar që po kjo logjikë të ndiqet edhe për përgjimet, duke theksuar se se duhet të transkriptohen vetëm komunikimet që kanë lidhje me objektin e hetimit, ndërsa përfundoi:
“E njëjta logjikë duhet të zbatohet edhe për përgjimet. Duhet të transkriptohen vetëm komunikimet që lidhen me hetimin, përfshirë ato që janë në favor të personit. Jeta private e njerëzve pa lidhje me veprën penale nuk mund të kthehet si instrument presioni apo si konsum mediatik.”
