Pas paralajmërimit për sulme të reja, Presidenti Trump po dërgon avionmbajtëse në Lindjen e Mesme

Pasi Presidenti i Shteteve të Bashkuara, Donald Trump, paralajmëroi për mundësinë e sulmeve të reja ndaj Iranit, ushtria amerikane po dërgon një grup të tretë sulmues të avionmbajtësve në Lindjen e Mesme.

Me këtë lëvizje rritet ndjeshëm prania ushtarake amerikane në rajon përpara zgjedhjeve të ardhshme të mesit të mandatit.

Paketa e re ushtarake përfshin grupin e sulmit të avionmbajtëses USS Theodore Roosevelt dhe grupin e gatishmërisë USS Mackin Island me dy anije shtesë sulmi.

Ky grup sjell me vete më shumë se 7.000 marinarë dhe 2.000 marinsa.

Sipas një zyrtari të paidentifikuar amerikan të cituar nga e përditshmja britanike Guardian, të tre aeroplanmbajtëset mund të jenë në rajon që në fund të tetorit.

Avionmbajtëset USS George H.W. Bush dhe USS George Washington janë tashmë në Lindjen e Mesme.

Me trupat e dislokuara më parë, numri i përgjithshëm i marinarëve dhe marinsave amerikanë në Lindjen e Mesme do të rritet në një shifër jashtëzakonisht të lartë me 20.000, të mbështetur nga qindra avionë luftarakë. Një përqendrim i ngjashëm i forcave detare u regjistrua në muajin prill, për herë të parë që nga viti 2003.

Ardhjet e reja do të mundësojnë rotacionet e nevojshme. Avionmbajtësja USS “George Washington” zëvendësoi USS “Abraham Lincoln”, ekuipazhi i të cilit kaloi më shumë se 260 ditë rresht në det. Pritet që “George Washington” të mund të kthehet më pas drejt Japonisë dhe Oqeanit Paqësor.

Në një intervistë për revistën Time, Presidenti Trump la të kuptohej se operacionet ushtarake mund të intensifikoheshin pas zgjedhjeve të mesit të mandatit të planifikuara për 3 nëntor, pavarësisht njoftimeve të tij të mëparshme se konflikti do të zgjaste vetëm disa javë.

Presidenti amerikan konfirmoi gjithashtu se e kishte hedhur poshtë propozimin e fundit të Iranit për armëpushim, i cili përfshinte një ofertë për të hapur Ngushticën e Hormuzit, një kalim kyç global për transportin e naftës.

“Gjëra që nuk do t’i miratoja një vit më parë, nuk do t’i miratoja as sot. I gjithë propozimi thjesht nuk është mjaftueshëm i mirë,” tha Presidenti Trump.

Duke komentuar ndikimin e mundshëm të luftës në Partinë Republikane përpara zgjedhjeve, Presidenti Trump tha se është e mundur që konflikti t’i dëmtojë politikisht republikanët, por ai përsëriti se qëllimi është të parandalohet Irani nga sigurimi i armëve bërthamore ndërsa përfundoi:

“Kjo duhet të ndihmojë, sepse Irani nuk do të ketë armë bërthamore!”