Kryeministri i Platformave vjen me produktin e radhës, Flamingo Mirror!
Kot ankohet opozita dhe protestuesit para Zyrës së tij në Bulevard, se Edi Rama nuk bënë asgjë, sepse në ditët kur shqiptarët vuajnë për bukën e gojës, ai zotin ia luan me Platforma, dhe atë që duan apo nuk duan shqiptarët dhe nuk i shërbyen njeriu që nga viti 2013, sot Kryeministri i shtoi edhe një platformë të padobishme: Flamingo Mirror!
Sot, Tao dhe Zegjinea mund të xhelozojnë se nuk po ju kushton vëmendje Kryeministri, por Edi Rama mendjen e ka te platforma e radhës me të cilën mendon se vazhdon t’ju hedhë hi syve shqiptarëve me platforma online ku qytetarët do të mund të aksesojnë të dhëna, dokumente dhe informacione për çështje dhe projekte që kanë interes publik, por nuk tha se kush janë ata që kanë interes për përrallat e Ramës, Flamingove dhe Mirrorit të tyre.
“Edhe ky komponent i Pasqyrës Albania, si vetë Pasqyrë Albania është një rezultat i nxitjeje të ardhur nga shoqëria, përmes manifestimit të protestës në fillim të muajit qershor dhe nga ana tjetër si domosdoshmëri e një kohe të re kur faktet janë gjithmonë e më shumë në presionin e madh të reve, të dizinformimit, trillimeve dhe gjysme të vërteta apo informacioneve të paverifikuara.
E kemi quajtur Flamingo Mirror, është në shqip dhe anglisht, patjetër që nuk mund të mos niste me dosjen më tërheqëse të Republikës së Shqipërisë sot që flasim, me dosjen e Sazan Zvërnecit dhe është një burim i cili do t’i shërbejë të gjithëve, qytetarëve për të parë jo se çfarë shkruan qeveria ose çfarë është e shkruar në të gjithë dokumentet zyrtare dhe çfarë thonë materialet e një dosjeje qeveritare,” tha Edi Rama sot kur askush nuk i beson madje as ai vetes së vetë, dhe derisa premton publikimin e dosjes KAYO, ishte ish-zëvendësi i tij që publikoi gjithë pisëllukun e kësaj dosje shoqëruar me përgjime që detyroi dhe SPAK-un të filloi hetimet.
“Është e qartë se në këtë Pasqyrë të Flamingos do të vendosim vijimësisht çdo dosje qeveritare me një ndjeshmëri të posaçme dhe jemi duke përgatitur me skuadrën, disa tema të tjera. Shumë shpejt do të publikojmë dosjen qeveritare të KAYO, një tjetër emër që përflitet në rrugët e kanaleve sociale dhe në hapësirat e medias televizive. Po ashtu, Milot Balldren ka qenë një tjetër temë që është diskutuar mbi, sipas nesh, trillime, gjysmë të vërteta, informacione të paverifikuara dhe pastaj sigurisht faktet janë vendosur në këto raste nën presionin e madh që vjen nga një botë, e cila varet gjithmonë e më shumë nga çfarë thuhet dhe jo nga si dhe sa verifikohet.”
E për ata që nuk kanë oreks dhe nuk kanë se çfarë të vjellin, mund ta dëgjojnë Edi Ramën edhe kur thotë se Pasqyrë Albania do të jetë mundësia për të ndjekur në kohë reale çdo projekt qeveritar:
“E thashë është një komponent i Pasqyrë Albania. Do të ketë një sërë komponentësh, pjesë e Pasqyrë Albania do të jetë edhe mundësia për të ndjekur në kohë reale çdo projekt qeveritar, projekt publik apo vepër publike të financuar nga taksat e qytetarëve dhe po ashtu, në Pasqyrën e Flamingos ka edhe një komponent tjetër që është pyetjet dhe përgjigjet, të mbledhura në kohë reale edhe nëpërmet AI, nga çfarë shkruhet dhe flitet për dosjen në fjalë dhe përgjigjen zyrtare.”
Kjo e konfirmon edhe një herë se Edi Rama nuk parë gjë akoma!
