Autori i “Kanunit të Bendës”, Haxhi Goci, Fisnikëria Tiranase

Duke vlerësuar kontributin në dokumentimin dhe përcjelljen e vlerave të Tiranës, dhe, përkushtimin në studimin, përgatitjen dhe botimin e “Kanunit të Krahinës së Bendës”, Shoqata Tirana vendosi të dekoroj me çmimin e lartë “Fisnikëria Tiranase”, studiuesin Haxhi Goci.

“Për kontributin e vyer në krijimin dhe ruajtjen e kujtesës historike e kulturore të trevës së Tiranës,

Për shumë vite, iu përkushtua studimit, përgatitjes dhe botimit të ‘Kanunit të Bendës’,” thuhet në motivacionin e dhënies së titullit “Fisnikëria Tiranase” për Haxhi Gocin pas vdekjes, nga Shoqata Tirana, e cila vlerëson gjithashtu dhe kontributin në arsim të profesorit të njohur në trevat e Tiranës.

Kush ishte Haxhi Goci?

Haxhi Muharrem Goci ka lindur në Krujë më 3 Maj 1923.

Mbasi mbaroi gjimnazin e Tiranës në vitin 1943, u nis për studime në Bullgari të cilat i ndërpreu në vitin 1947.

Arrestohet më 9 Maj 1947 dhe dënohet me 5 vjet heqje lirie si dhe konfiskim të pasurive të luejtshme dhe të paluejtshme për “Faje penale kundra popullit e shtetit”, dënim të cilin e kryen në burgun e Maliqit, në vitin 1949 lirohet me amnisti të përgjithshme.

Ka mbaruar Universitetin e Tiranës Dega Histori-Filologji.

Fillimisht ka punuar si mësues fizike, pastaj ka dhënë lëndën e historisë.

Ka qenë inspektor dhe shef i Kabintetit Pedagogjik, nën-drejtor gjimnazi, drejtor gjimnazi në Krujë.

Haxhi Goci ka qenë i pasionuar mbas muzikës, i ka rënë violinës, por nuk luajti asnjëherë në skenë me këtë instrument.