Kosnett: “Zgjidhjet kreative” nuk është kod për shkëmbim territoresh

Kandidati për ambasador të ri të SHBA-së në Kosovë, Philip S. Kosnett, deklaroi se “me rëndësi është që Serbia dhe Kosova të dalin me zgjidhje kreative, por që ky formulim nuk nënkupton ndryshim territoresh”.

“Mendojmë se është e rëndësishme që të dy qeveritë të ecin përpara me zgjidhje kreative e të përhershme”, deklaroi Kosnett pranë Këshillit për Punë të Jashtme në Senatit Amerikan, ku po bë bëhet procesi i verifikimit për nominimin e tij për ambasador, raporton VOA në gjuhën serbe.

Kosnett vlerëson se është me rëndësi që të dyja vendet mund të bisedojnë për ide të reja, por që, siç thotë ai, “këto ide nuk nënkuptojnë ndryshime territoresh, apo diçka të ngjashme”.

“Duam të shohim nëse të dy qeveritë mund të paraqesin idetë e tyre të reja në kuadër të dialogut. Qëllimi ynë strategjik është stabiliteti në rajon dhe që të arrihet zgjidhja e përhershme përmes të cilës, Kosova e Serbia t’i afrohen Perëndimit”, tha Kandidati për ambasador të ri të SHBA-së në Kosovë.

Kosnettt tha se SHBA nuk ka ndryshuar qëndrim ndaj Kosovës, që ishte njëherësh përgjigje ndaj bashkëkryesuesit të Këshillit, senatori demokrat, Chris Murphi, i cili pyeti nëse kishte dijeni në ndryshimin e qëndrimit të administratës së Trump-it karshi Kosovës, pasi që kohë më parë ministri i Jashtëm serb, Ivica Daçiç, i cili kishte patur takime me këshilltarin e presidentit Trump, dhëndërrin e tij, Jared Kushner, kishte përmendur idenë e  ndryshimit të kufijve, ndërkohë që sipas Kosnett, ishte hera e parë që po dëgjonte për një takim të tillë, mes Kushnerit e Daçiçit