Fuoristrada me kanabis kapet në postbllokun e Policisë Vlorë, shoferi jo…
Policia e Vlorës ka shkalluar apo trafikantët janë sofistifikuar?!
Kjo pikëpyetje e madhe vjen pas rastit të sotëm kur në kuadër të planit të masave kundër prodhimit dhe shitjes së lëndëve narkotike, në aksin rrugor Selenicë – Resulaj, policia kishte ngrituru pika e kontrolli, ku dhe ka bërë bllokimin e një mjeti tip fuoristradë brenda së cilit është sekuestruar 9 kg e 720 gr lëndë narkotike e llojit Cannabis Sativa. Deri këtu asgjë e paqartë.
Por, vazhdon policia në njoftimin e saj se “po punohet për identifikimin dhe kapjen e autorit. Neni 283/1 i Kodit Penal”
Imagjinoni se si është kapur në një postbllok një furositradë me 10 kg Cannabis Sativa por pa shofer. Apo edhe ky shofer është pjesë e narko-nomenklaturës…
Sqarimet priten nga Policia e Vlorës, ndryshe e gjitha është e qartë!
Njoftimi i Policisë
Më datë 16. 08. 2018, në kuadër të planit të masave kundër prodhimit dhe shitjes së lëndëve narkotike, në aksin rrugor Selenicë – Resulaj, pikat e kontrollit të ngritura posaçërisht për goditjen e këtyre veprave penale kanë bërë të mundur bllokimin e një mjeti tip fuoristradë brenda së cilit është sekuestruar 9 kg e 720 gr lëndë narkotike e llojit Cannabis Sativa.
Po punohet për identifikimin dhe kapjen e autorit. Neni 283/1 i Kodit Penal.
