Pas kërkesave të njëpasnjëshme në qeveri tek Kryeministri Edi Rama, Mininistri i Drejtësisë, Toni Gogu, dhe Drejtoresha e Burgjeve që ranë në vesh të shurdhër, sot Kryetari në burg i Bashkisë Tiranë, Erion Veliaj, ndryshon strategji dhe nga birucat e IEVP Fier i drejtohet njeriut të vetëm me pushtet real në Shqipëri, Belinda Balluku, nga e cila përveç Taos, Ulsiut, Gysit, SPAK-ut e SHISH-it, nuk pipëtinë dot më as Mamica.
“Është evidente ajo që thonë të gjithë këtu, se ‘Kryeministri është kot, nuk merr dot më asnjë vendim’ dhe se ‘hallin tënd e zgjidh veç Bela’. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike,” shprehet Kryetari në burg i Bashkisë Tiranë, Erion Veliaj duke u gjunjëzuar para të shenjtës së vetme për t’u mjekuar:
“Ju kërkoj të aprovoni operacionin tim në Tiranë, pranë mjekut tim dhe familjes sime. Socialisti ‘me duar të lidhura’. Erion Veliaj.”