Video/Në fund të mandatit, Zv. Ambasadori i SHBA Muniz: “Ky vend ka një të ardhme shumë të ndritur!”

Ambasada e SHBA në Tiranë bënë të ditur përmes një postimi në rrjetin social Facebook se Zv. Ambasadori David Muniz largohet nga Shqipëria.

Zv. Ambasadori David Muniz , një njohës i mirë i historisë, traditës dhe popullit shqiptar, në fund të mandatit të tij shprehet se ka besuar gjithnjë se Shqipëria ka një të ardhme të ndritur dhe asgjë nuk e ka ndryshuar mendimin e tij:

“Sot besoj akoma edhe më shumë se sa kur mbërrita për herë të parë, që ky vend ka një të ardhme shumë të ndritur.”

Ja postimi i plotë:

“Kam besuar gjithnjë se Shqipëria ka një të ardhme të ndritur… Asgjë nuk e ka ndryshuar mendimin tim, dhe sot besoj akoma edhe më shumë sesa kur mbërrita për herë të parë, që ky vend ka një të ardhme shumë të ndritur,” thekson Zv/ambasadori Muniz duke shtuar:

“Ju keni shumë përparësi, jeni aq të bekuar. Keni klimë të mrekulleshme, natyrë të mrekullueshme, keni aq shumë burime që mund të zhvillohen, keni njerëz të mrekullueshëm dhe më e rëndësishmja, që e shprehin veten në mënyrë krijuese dhe tregojnë aftësitë të cilat unë mendoj se do e bëjnë këtë vend një parajsë të vogël këtu në Adriatik.

Mezi pres që në të ardhmen të rikthehem dhe të shoh të gjithë zhvillimet dhe të gjitha gjërat që do të ndodhin, sepse çdokush e di që ky vend do të bëhet i mrekullueshëm.

Si shqiptarë, kjo është në dorën tuaj për tu bërë e mundur dhe mendoj se shqiptarët po e kuptojnë se ata mund ta arrijnë këtë gjë dhe unë mendoj se do ia dalin dhe vërtet mezi pres ta shoh të realizuar”.