Pas akuzave të Ramës/ Reagimi, Pampuri: Do të vijë dita e vettingut real i cili do të nisë me ty!

Pas akuzave të rënda të Kryeministrit Edi Rama për Partinë Demokratike, ku ai e quan edhe “shtepi publike”, deputetja e PD, Orjola Pampuri duke  shprehur habinë se si një kryeminister mund të shprehet kështu ndaj partisë më të madhe opozitare në vend, ndaj asaj partie që solli ndryshimin përpara 28 viteve e ku deshi të aderojë dhe vetë ai, reagon përmes rrjetit social Facebook duke theksuar se pjesë e Partisë Demokratike janë zonja e zotërinj, intelektualë e akademike, nëna dhe baballarë shembullorë e të përkushtuar, të cilët kanë çfarë modeli të ofrojnë në shoqëri.

“Ti mund të shprehesh kështu? Ti që e degradove Shqipërinë në një parcelë të madhe droge, ti që e rendite ndër vendet e para të perdoruesve të kokainës, ti që në partinë tënde mbajte, punove e bashkëpunove me banda e minstra miq të bandave, ti që e shndërrove Shqipërinë në han me 800 porta ku hyn toyota e dalin gomone me drogë e para të pista, ti që shanë e ndyn qytetarë me fjalet më banale që nuk do t’i kishin hije dhe një njeriu fare të rëndomtë, ti që e rrenove këtë vend, tani ngrihesh dhe bën moral? Ti moral???? Ti flet për shtepi publike????? Epo kësaj i thonë ranë malet e u ngritën…” thekson Pampuri duke shtuar se Edi Ramën thjeshtë e ka kapluar paniku e nuk di më ç’të bëjë, dhe e vetmja gjë që i ka mbetur të bëjë është të ofendoj opoziten dhe qytetarët e ketij vendi, e të veshë atlete të bardha për të zhvendosur vemendjen.

Por kjo mënyre sjellje e Edi Ramës, thekson deputetja e Partisë Demokratike, Orjola Pampuri, nuk e shmang fundin e tij të afërt si kryeminister ndërsa përfundon:

“Ti e di mire që vettingun po e bën për të ruajtur veten dhe miqtë e tu…..
Por do të vijë dita e vettingut real i cili do të nisë me ty.”

Ja postimi i plotë:

Mbaje gojen more burre…….

Tek lexoja mendimet e oreve te fundit te hedhura ne faqen e facebook te kryeministrit, dhe te cituara me habi nga portale te ndryshme, pikerisht me habine se si nje kryeminister mund te shprehet keshtu ndaj partise me te madhe opozitare ne vend, ndaj asaj partie qe solli ndryshimin perpara 28 viteve e pikerisht ndaj asaj partie ku deshe te aderoje dhe ti para se te shkoje ne France….
Si mundesh te kesh nje fjalor te tille, si mund te quash ‘shtepi publike” ( ndjese qe e permend), Partine Demokratike, pjese e se ciles jane zonja e zoterinj, intelektuale e akademike, nena dhe baballare shembullore e te perkushtuar, te cilet kane cfare modeli te ofrojne ne shoqeri.
Ti mund te shprehesh keshtu? Ti qe e degradove Shqiperine ne nje parcele te madhe droge, ti qe e rendite nder vendet e para te perdoruesve te kokaines, ti qe ne partine tende mbajte, punove e bashkepunove me banda e minstra miq te bandave, ti qe e shnderrove Shqiperine ne han me 800 porta ku hyn toyota e dalin gomone me droge e para te pista, ti qe shan e ndyn qytetare me fjalet me banale qe nuk do t’i kishin hije dhe nje njeriu fare te rendomte, ti qe e rrenove kete vend, tani ngrihesh dhe ben moral? Ti moral???? Ti flet per shtepi publike????? Epo kesaj i thone rane malet e u ngriten…….
Ty thjesht te ka kapluar paniku e nuk di me c’te besh, e vetmja gje qe te ka mbetur te besh eshte te ofendosh opoziten dhe qytetaret e ketij vendi, e te veshesh atletet e bardha per te zhvendosur vemendjen.Por kjo menyre sjellje e jotja nuk e shmang fundin tend te afert si kryeminister.
Ti e di mire qe vettingun po e ben per te ruajtur veten dhe miqte e tu…..
Por do te vije dita e vettingut real i cili do te nise me ty