Kancelarja Merkel e përsërit se është kundër ndryshimit të kufijve në Ballkan

Kancelarja gjermane, Angela Merkel, pas takimit me kryeministrin e Kroacisë, Andrej Plenkoviç, rikonfirmoi sot qëndrimin e saj kundër ndryshimit të kufijve në Ballkan, duke theksuar se një marrëveshje e mundshme ndërmjet Kosovës dhe Serbisë për ndryshimin e kufirit mund të kishte pasoja në pjesët tjera të rajonit.

Ndërsa edhe kryeministri i Kroacisë, Plenkoviç tha se një ndryshim kufijsh në Kosovë mund të ketë pasoja për pjesët tjera të rajonit.

Ndërkohë Kancelarja Merkel ka folur edhe për bisedën me telefon që zhvilloi dje me presidentin amerikan, Donald Trump ku temë e bisedimiti ishte edhe Kosova.

“Folëm në telefon edhe për situatën Kosovë dhe Serbi. Natyrisht që përkrahim të gjitha bisedimet që sjellin rezultat, por edhe integriteti territorial ekzistues është një dimension i rëndësishëm”, deklaroi Merkel.

Pikërisht për këtë çështje dy presidentët, Thaçi dhe Vuçiç do të diskutojnë më 7 shtator në Bruksel.