Shkodër, vritet biznesmeni, ja mesazhi i tij para se të gjendej i vrarë…

Një ngjarje e rëndë ka ndodhur mesditën e sotme në Shkodër, ku një person është gjetur i vrarë në zonën e Livadhes në Shkodër.

Viktima është gjetur i vrarë, ndërsa në një zonë pak më larg është gjetur mjeti i braktisur. Mendohet se i riu është vrarë diku tjetër, dhe trupi është hedhur aty.

Viktima është Arjan Ferracaku, 30-vjeç, ndërsa ende nuk dihen shkaqet e kësaj vrasje.

Në një postim në rrjetet sociale para se të vritet, biznesmeni nuk kishte shprehur ndonjë shqetësim nëse ndihej i kërcënuar dikush.

Ai madje njofton për një garë me kuaj që do të zhvillohej nga Akademia e Hipizmit Vllaznia, ku shkruan se të gjithë ata që duan të marin pjesë të paraqiten nga data 1 deri më 14 shtator për regjistrim kundrejt një pagese.

Dy shokët e biznesmenit shoqërohen në polici

Ndërkohë kanë dalë detaje të reja në lidhje me ngjarjen e rëndë në Shkodër ku u gjet i vdekur në zonën e Livadhës biznesmeni 30-vjeçar Arjan Ferracaku.

Ferracaku ka qenë së bashku me dy persona të tjerë duke kalëruar pasi ishte ishte i apasionuar pas këtij sporti.

Viktima është gjetur i vrarë, ndërsa në një zonë pak më larg është gjetur një mjet  i braktisur, për të cilin policia tha se nuk ka lidhje me ngjarjen në fjalë.

Dy personat e tjerë të cilët shoqëronin biznesmenin, identiteti i të cilëve akoma nuk bëhet i ditur janë shoqëruar për tu marrë në pyetje në polici.

Mësohet se viktima është qëlluar me kallashnikov.

Zona e Livadhes është e thellë dhe kjo ka vonuar disi në lokalizimin e mjetit. Policisa ende nuk ka dhënë detaje mbi ngjarjen e rëndë, ndësa hetimet vazhdojnë.

Ferracaku ka qenë pronar i një hoteli në zonën e Velipojës, dhe ishte baba i dy fëmijëve. Po ashtu ai ka pasur dhe një restorant në Shkodër.