Kufijtë e Kosovës/ Opozita kërkoi seancë të jashtëzakonshme, sot vendos Kryesia e Parlamentit

Kryesia e Parlamentit të Kosovës do të mblidhet sot për të diskutuar kërkesën për mbajtje të seancës së jashtëzakonshme, në të cilën do të zhvillohet debati parlamentar lidhur me angazhimet e presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë.

Partitë opozitare LDK, Vetëvendosje dhe PSD kanë dorëzuar javën e kaluar kërkesën për mbajtjen e seancës së jashtëzakonshme më 4 shtator. Në këtë seancë pritet të miratohet rezoluta, e cila ia ndalon presidentit Thaçi të bisedojë me Serbinë për territor.

Tri partitë opozitare, kanë iniciuar mbajtjen e kësaj seance pas deklaratave të presidentit për korrigjim të kufijve.

Rezoluta, e cila pritet të prezantohet në këtë seancë, ka vetëm një pikë:

“Askush nuk ka të drejtë ta negociojë dhe cenojë territorin e Kosovës”.