Ipeshkvia e Kosovës/ Vatikani shpall Ipeshkvinë e Pavarur Apostolike, Prishtinë-Prizren!

Sot në meshën solemne për festen e Shën Nënë Terezës, nunzi apostolik Sh.T. Julius Janusz, i deleguar i Selisë së Shenjtë për Kosoven, së bashku me Ipeshkvin e Kosovës, monsinjor Dodë Gjergji dhe Arqipeshkvin e Tivarit, monsinjor Rrok Gjonlleshaj, bënë të ditur vendimin e Selisë së Shenjtë, që Ipeshkvia e Kosovës e cila kishte statusin e administratures, nga sot shpallet Ipeshkvi e Pavarur Apostolike, Prishtinë-Prizren!

Zv/ministri i Punëve të Jashtme i Kosovës, Gjergj Dedaj, duke përshëndetur pavarësinë e Ipeshkvisë Apostolike të Kosovës, Prizren – Prishtinë tha se ky veprim paraqet një hap drejtë njohjes së Kosovës nga Vatikani:

“Kosova shpallet Ipeshkvi Apostolike e pavarur, Prizren- Prishtinë! Një hap drejtë njohjes së Kosovës nga Vatikani,” thekson Dedaj duke përfunduar:

“Urime Kosovë!”