Edi Rama pritet me protesta në Elbasan

Qindëra të rinj të Partisë Demokratike përpara gjimnazit “Dhaskal Todri” e pritën kryeministrin Edi Ramën me protesta në Elbasan ku ishte parashikuar një takim me mësuesit e këtij qarku.

Të rinjve që mbanin pankarta “Elbasani i narkotrafikut, shteti i narkotrafiku” iu bashkuan edhe qytetarët e Elbasanit kur dhe u tensionua situata për shkak të veprimeve të dhunshme të policisë, të cilët nga kordoni i krijuar për shkaqe sigurie kaluan në skenarin e provokimit.

Situata nuk u qetësua as me ndërhyrjen e drejtorit të policisë së Elbasanit, Altin Qato, i cili herë pas here bëri sikur erdhi për të negociuar me deputetin e PD, Luçiano Boçi, i cili ishte i pranishëm në protestë por këtë gjë nuk e bëri me policët e tij.

Elbasani shpëtoi nga terrori polico vetëm atëherë kur Edi Rama u largua nga Elbasani.